25يناير .. ثورة شكلتني
مصر كلها اتفاجأت فى ثورة يناير بمشاركة النساء المصريات اتفاجأوا انها كانت بتبادر و تهتف و تبات فى الشارع مع المتظاهرين
و اللى ما تعرفش تبات بتجيب اكل و توزعه و اللى منهن بتعالج المصابين من رب الشرطة و اللى منهم واقفة بازازة الخل تقابل المتظاهريين اللى بيجروا من الغاز المسيل للدموع و اللى منهن اتصابوا و اتقتلوا و اللى منهن بعد اسقاط نظام مبارك استمروا فى التظاهر و شاركوا فى احزاب سياسية و هتفوا ضد حكم العسكر زى ماهتفوا بيسقط مبارك زى ماهتفوا بعد كده يسقط حكم الاخوان لحد 30يونيو و الستات المصريات مشاركات و متصدرات المشهد بكل قوة مروا بكتير من قتل و ضرب و سجن و تحرش و كشوف عذرية و غيره كتير من اشكال العنف الموجهه بس ضد الستات عشان يتراجعوا و يلتزموا الصمت و يرجعوا بيوتهن...
ل ده ما ضعفش حد فينا انا عن نفسي بعد ثورة يناير اتشكلت من اول و جديد من بت بتخلص الدراسات العليا و هتتخطب و تتجوز و تقعد فى البيت زى كل بنات اسرتها لبنت قررت تشارك و تعلى صوتها و تقول لا لكل ظلم
شاركت فى حزب سياسي و من قبله فى حملة دعم مرشح رئاسي نزلت الشارع و هتفت و اتظاهرت و سافرت القاهرة من محافظتى عشان صوتى يتسمع اكتر قلت يسقط كل من خان قلت عيش حرية عداله اجتماعية و قلت يا حرية فينك ....
مع كل مظاهرة بقوى مع كل ضربة متظاهر مع كل ضرب لست مع كل حالة تحرش مع كل نقطة دم نزلت كنت بقوى و بصمم استمر و ماتراجعش و اثبت نفسي كبنت انى اقدر اعمل حاجة و اقدر اعمل للى حوليا حاجة حتى لو بالدعم المعنوى بس
بعد الثورة كانت فىه الروح بتاعت هنساعد الناس طب نعمل قوافل طبيه فانزل اسافر القرى مع القوافل و اتكلم مع الناس و اسمعهم و خصوصا الستات و البنات و مع كل حكاية فى حياة تانية بتتفتح اودام عينى حياة فيها ان مابقاش مقهورة و لا ضعيفة و لا اقبل باى ظلم من اى حد كملت مشوارى بان بقيت اقدم على التدريبات مع منظمات المجتمع المدنى اللى دلقت بيقفلوها و يقولوا اصل دى بتفتت البلد و بتلعب فى العقول و هى الحقيقة بتفتح عقولنا على حقنا حقنا الدستورى و القانونى و اللى مابيتنفذش منه حاجة
التدريبات دى عرفتنى حقى كست و حق كل ست ايه فى مصر حقى فى قانون يحمينى من التحرش و يعاقب المتحرش , حقى فى المشاركة السياسية سوء بالتصويت فى اى انتخابات او انى اشارك فى حزب سياسي و يبقى لى دور , حقى فى انى اشتغل فى منظمة مجتمع مدنى بتشتغل على رفع الوعى و بتشتغل على قوانين محتاجة تتعدل او تتعمل من اساسه من حقى اشتغل و اتعلم و اتكلم و اشارك و يكون لىا دور فى الدولة ...
بعد الثورة اتعلمت و فهمت و عرفت كتير كان غايب عنى عرفت ان الحرية حق و العدالة حق و ان اطالب بيهم حق عرفت ان لازم ابقى مدافعه مش ضحية حتى لو الظلم واقع ليا و اظن ان اغلبنا بقينا بندافع فى قضايا احنا اتعرضنا لظلم فيها
فى كل مرة بشارك فى جلسة حكى عن التحرش و عن كل حملة توعية شاركت فيها للتعريف بالحق القانونى فى معاقبة المتحش بفتكر اول تحرش اتعرضت ليه و ان من كونى كنت ضحية بقيت مدافعه حالى حال كتير من بنات و ستات مصر بعد الثورة
بعد الثورة عرفت ان مش كل حد يتكلم عن الحرية و المساوة و الحقوق يعرفهم و بيؤمن بيهم عرفت ان الكلام كتير بي الفعل هو الاهم لانه الكل بيبع الكلام للناس بس محدش بينفذ.....
بعد الثورة اشتغلت و كان قبل كده فكرتى ان اللى بتشتغل دى واحدة محتاجة اهلها مش مرتاحيين ماديا فاضطرت تشتغل نظرة ضيقة جداا للامور بعد الثورة عرفت ان اثبات ذاتى مش بالجواز و ضل الراجل اللى افضل من ضل الحيطة اللى مع السنين اللى بعد الثورة عرفت ان ما فيش ضل يضلل عليا الا نفسي فقررت اشتغل و خلصت ادراسات العليا و مع شغلى و دراستى ماوقفتش يوم تطوعى فى العمل المدنى و السياسى مافيش يوم شفت ظلم و مانزلتش مع ناس قلت يسقط كل من خان مافيش يوم شفت بنت بتتعرض للتحرش ما جريتش انا ورا المتحرش و وقفت دعمتها نفسيا لان مريت بده و عارفه ان المتحرش زيه زى اى جبان بيخاف من الصوت العالى لانه عامل عملة زىه زى اى ظالم حرامى قاتل عامل عمله و يخاف من الصوت العالى لانه عارف انه هيوقعه.......
دلوقت انا احسب كنسوية اللى اصلا قبل الثورة ماكنتش اعرف يعنى اىه نسوية بس و لانى صممت اتعلم شاركت فى مدرسة مع مؤسسة نسوي اسمها نظرة للدراسات النسوية و هى اللى شكلت وعى بالمجال العام و كانت سبب فى جعلى نسوية و مدافعة كمان
من 2011 لحد 2018 و انا بكسب قضايا مع اهلى و مع المجتمع و طبعا خسرت قضايا لكن متاكدة انى هكسبها فى الوقت المناسب , من 2011 و انا طالبة دراسات عليا و بشتغل فى محافظتى عايشة مع اهلى بسافر كل فترة للقاهرة اشارك فى اى نشاط يطور منى لحد 2016 بداية ما بدات اخد اشياء من حقوقى زى ان اختيار لبسي حريتى و ان سفرى حريتى وان شغلى حريتى و ان اختيار جوازى م عدمه و هجوز مين حريتى و ان اعيش فى القاهرة او محافظة تانية حريتى ان اكتب و اعبر عن راى حريتى ان اقول لا للظلم حريتى ان اطال بالحرية حريتى و حقى زى كل الحقوق السابقة دى ادعم مرشح ده حق ان اطالب بحري الراى و التعبير حق اطالب برجوع ارض مصرية حق ان اقول لا للختفاء القسرى و
ان اكتب و اطالب بحقوقنا كستات حق عايزين قانون ضد التحرش يحمينا عايزين قوانين تحمينا من العنف الاسرى و الاغتصاب الزوجى و عايزين ندخل القضاء ده حقنا الدستورى و كفاية بقا ضرب فى المراة و فى حقوقها
دلوقت و بعد اسقاط نظامين من 2011 مرورا ب 2013 حتى الان احتسب بنت مستقلة من محافظة فى وجه بحرى عايشة فى القاهرة و اشتغلت باحثة كتبت عن الحريات و حقنا القانونى و الدستورى فى كتير من الحقوق المهدرة فى مصر بكتب زى ما بكب دلوقت و لسه فى حزب سياسى و لسه بشارك و بتكلم عن كل حق بيهدر و عن كل ظلم حصل و لسه بيحصل و لسه بدافع كنسوية على قدر استطاعتى و لسه بقول هفض اقول ان ضل الست مش راجل و لا حيطة ضل الست قوتها و انتصاراتها اللى بتحققها كل يوم لها و لغيرها ...
و يسقط كل من خان
عيش حرية عدالة اجتماعية و كرامة انسانية
