Cəlilabadda yanğın törədən şəxs məsuliyyətə cəlb edilib.
Bu barədə Gununsesi.info-ya Daxili İşlər Nazirliyindən (DİN) məlumat verilib.
Bildirilib ki, avqustun 21-də Cəlilabad rayonu Söyüdlü kəndinin ərazisindəki əkin sahəsində yanğın törədən şəxs polis əməkdaşları tərəfindən müəyyən olunub.
DİN-in Mətbuat Xidmətinin regional qrupundan bildirilib ki, araşdırmalarla yanğının 1980-ci il təvəllüdlü Oqtay Abbasov tərəfindən törədildiyi məlum olub.
Hadisə nəticəsində 2 hektar ərazidə quru ot və kol-kos yanıb.
Əməli törədən O.Abbasov barəsində məsuliyyət tədbiri görülüb.
