လွိုင်ကော်မှ မိတ္ထီလာမြို့သို့ သစ်များတရားမဝင်သယ်ဆောင်သည့် ယာဥ်တစ်စီးကို စစ်ဆေးတွေ့ရှိခဲ့ကြောင်း ကရင်နီအမျိုးသားများကာကွယ်ရေးတပ် (KNDF)ဖယ်ခုံဇုန်က ယနေ့(ဇွန် ၂၆ ရက်)တွင် ထုတ်ပြန် သည်။
ဖြစ်စဥ်မှာ ယမန်နေ့(ဇွန် ၂၅ ရက်)က စစ်ဆေးတွေ့ရှိခဲ့ခြင်းဖြစ်ပြီး သက်ဆိုင်သူယာဥ်မောင်းကိုလည်း ဖမ်းဆီးထိန်းသိမ်းခဲ့သည်ဟု ဆိုသည်။
![ဓာတ်ပုံ - KNDF](https://i0.wp.com/www.ludunwayoo.com/wp-content/uploads/2022/06/290586294_410216057834519_5792242658324412387_n.jpg?resize=880%2C1325&ssl=1)
![ဓာတ်ပုံ - KNDF](https://i0.wp.com/www.ludunwayoo.com/wp-content/uploads/2022/06/290545141_410216087834516_5529975628244890969_n.jpg?resize=880%2C1168&ssl=1)
အဆိုပါ ယာဥ်မောင်းနှင့်ယာဥ်မှာ KNDF တပ်ရင်း (၃)၏ လုံခြုံရေးဆောင်ရွက်ရာ လမ်းတစ်လျှောက်တွင် မကြာခဏဖြတ်သန်းသွားလာခဲ့သောကြောင့် ရဲဘော်များမှ ရပ်တန့်စစ်ဆေးရာ သစ်များတရားမဝင် ခိုးယူသယ်ဆောင်နေကြောင်းတွေ့ရှိခဲ့ရခြင်းဟု အသိပေးသည်။
ယာဥ်မောင်းအား တစ်ညတာ ထိန်းသိမ်းခဲ့ပြီး အငှားယာဥ်မောင်းလုပ်ကိုင်ခြင်းမှအပ ပြစ်မှုတစ်စုံတစ်ရာ မတွေ့ရှိသောကြောင့် KNDF၏ မူဝါဒနှင့်အညီ ခံဝန်ကတိဖြင့် ယနေ့တွင် ပြန်လွှတ်ပေးခဲ့ကြောင်း ထုတ်ပြန်ချက်၌ ဖော်ပြသည်။
အလားတူဖြစ်ရပ်မျိုးကို ထပ်မံတွေ့ရှိပါက ထိရောက်စွာအရေးယူဆောင်ရွက်သွားမည်ဟု KNDFတပ်ရင်း(၃) က သတိပေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)