လေးလခန့်ကြာရှေ့တန်းတာဝန်များထမ်းဆောင်ပြီးနောက် မိခင်တပ်ရင်းသို့ ပြန်ရောက်ရှိလာသည့် ရဲဘော်များ၏ မှတ်တမ်းကို ကျားဖြူတပ်ခွဲ (၁)က ယနေ့(ဇူလိုင် ၉ ရက်) ထုတ်ပြန်သည်။
“တာ၀န်ကိုယ်စီကို လေးလနီးပါး တောတောင်တွေထဲထမ်းဆောင်ရင်း မိခင်တပ်ဆီပြန်ရောက်တဲ့အခါမှာတော့ ရဲဘော်တွေဟာ အချင်းချင်းပွေ့ဖက်ဂုဏ်ပြုကြ အော်ဟစ်ရယ်မောကြနဲ့…ဒါဟာပျော်ရွှင်ခြင်းအစစ်အမှန်ပေါ့”ဟု အဆိုပါတပ်ဖွဲ့က ဆိုသည်။
သို့သော် လိုလားတောင့်တသည့် ပျော်ရွှင်မှုမျိုးမဟုတ်သေးဘဲ နွေးထွေးသည့် မိဘအိမ်ပြန်နိုင်ခြင်း၊ချစ်ရသူများနှင့် ပြန်လည်ဆုံဆည်းနိုင် ခြင်း အပါအဝင် အာဏာရှင်စနစ်ဆိုးကို အမြစ်ဖြတ်တိုက်ထုတ်နိုင်ရန် ဆက်လက်တိုက်ပွဲဝင်ရမည်ဟု ဖော်ပြသည်။
“ကမ္ဘာစစ်ကြီးကို အောင်နိုင်သူတွေရဲ့ပျော်ရွှင်ခြင်းထက် ခမ်းနားမယ့်တစ်နေ့ ။အော်ဟစ်ရယ် မောသံတွေနဲ့ တစ်တိုင်းပြည်လုံးသောသောညံနေမယ့်တစ်နေ့..ပင်ပန်းခက်ခဲလာကြတာသိပေမယ့်မဝေးတော့တဲ့တစ်နေ့အတွက် ဆက်လက်တိုက် ပွဲ၀င်သွားကြရအောင်လားခင်ဗျာ”ဟု ကျားဖြူတပ်ခွဲ (၁)က တိုက်တွန်းသည်။
အလားတူ ပြည်သူတို့၏ကူညီထောက်ပံ့မှုများစွာ လိုအပ်လျက်ရှိသောကြောင့် ထောက်ပံ့မှုများ ဆက်လက်ပြုလုပ်ပေးရန်လည်း မေတ္တာရပ်ခံသည်။
ကျားဖြူတပ်ခွဲ(၁)သည် အမျိုးသားညီညွတ်ရေး အစိုးရ NUG ကာကွယ်ရေးဝန်ကြီးဌာန၏ တောင်ပိုင်းတိုင်းစစ်ဌာနချုပ်လက်အောက်တွင် စစ်ကောင်စီတပ်ကို တိုက်ခိုက်နေခြင်းဖြစ်သည်။
