▪️မူလတန်းမှ အထက်တန်းအထိ ကျောင်းသား၊ကျောင်းသူ ၆၀၀ခန့် ဖြေဆို
စစ်ကိုင်းတိုင်း ယင်းမာပင်ခရိုင်အတွင်းရှိ ကျေးရွာတစ်ရွာတွင် အမျိုးသားညီညွတ်ရေးအစိုးရ (NUG) ပညာရေးဝန်ကြီးဌာန၏ လမ်းညွှန်မှုဖြင့် ယနေ့ (ဇူလိုင် ၉)က အတန်းတင်စာမေးပွဲများ ကျင်းပပြုလုပ်ခဲ့သည်။
အဆိုပါ အတန်းတင်စာမေးပွဲကို မူလတန်းအဆင့်မှ အထက်တန်းအဆင့်အထိ ကျင်းပခဲ့ပြီး ကျောင်းသား၊ကျောင်းသူ ၆၀၀ခန့် ဝင်ရောက်ဖြေဆိုခဲ့ကြောင်း သိရသည်။
![ဓာတ်ပုံ - ယင်းမာပင်-ဆားလင်းကြီး ရွာပေါင်းစုံသပိတ် ဦးဆောင်ကော်မတီ](https://i0.wp.com/www.ludunwayoo.com/wp-content/uploads/2022/07/292619563_419496226906502_3334554735668025696_n.jpg?resize=880%2C662&ssl=1)
![ဓာတ်ပုံ - ယင်းမာပင်-ဆားလင်းကြီး ရွာပေါင်းစုံသပိတ် ဦးဆောင်ကော်မတီ](https://i0.wp.com/www.ludunwayoo.com/wp-content/uploads/2022/07/292917996_419496216906503_1474707394025755094_n.jpg?resize=880%2C662&ssl=1)
![ဓာတ်ပုံ - ယင်းမာပင်-ဆားလင်းကြီး ရွာပေါင်းစုံသပိတ် ဦးဆောင်ကော်မတီ](https://i0.wp.com/www.ludunwayoo.com/wp-content/uploads/2022/07/292958952_419496200239838_2032371394238378407_n.jpg?resize=880%2C662&ssl=1)
![ဓာတ်ပုံ - ယင်းမာပင်-ဆားလင်းကြီး ရွာပေါင်းစုံသပိတ် ဦးဆောင်ကော်မတီ](https://i0.wp.com/www.ludunwayoo.com/wp-content/uploads/2022/07/292707446_419496153573176_2336548387308934507_n.jpg?resize=880%2C662&ssl=1)
NUGပညာရေးဝန်ကြီးဌာန၏ ကြားကာလ ပညာသင်နှစ်ကို ဆရာ၊ ဆရာမ ၊ စေတနာ့ဝန်ထမ်း (Volunteer) စုစုပေါင်း ၅၅ဦး နှင့် CDM ဝန်ထမ်း ၁၈ဦးတို့က ဦးဆောင်ပြီး သင်ကြားပေးခဲ့ကြောင်း သိရသည်။
ပြီးခဲ့သည့် ဇူလိုင် ပထမပတ်ကလည်း စစ်ကိုင်းတိုင်း ယင်းမာပင်ခရိုင်ရှိ ကျေးရွာတစ်ရွာတွင် အမျိုးသားညီညွတ်ရေးအစိုးရ (NUG)၏ ပညာရေးစုံညီပွဲတော်၊ ပညာရည်ချွန်ဆုပေးပွဲနှင့် မိုးရာသီအားကစား ပွဲတော်တို့ကိုလည်း ကျင်းပပြုလုပ်ခဲ့ကြသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)