စစ်ရှောင်ပြည်သူ ၄၀၀ ကျော်အတွက် လိုအပ်သောအကူအညီများပေးကြရန် လောင်းရှည် ဒေသလုံးဆိုင်ရာ ပြည်သူ့ကာကွယ်ရေးတပ်ဖွဲ့ LSRPDF(YRPA)က ယနေ့(ဇူလိုင် ၁၂)တွင် မေတ္တာရပ်ခံပန်ကြားလိုက်သည်။
လက်ရှိတွင် LSRPDF(YRPA) ထိန်းချုပ်နယ်မြေအတွင်းမှ စိုက်ခင်းကျေး ရွာ၊ အိုင့်ကြီးကျေးရွာ၊ ဖလံမကျေးရွာ များမှ စစ်ဘေးရှောင်ပြည်သူ ၄၀၀ကျော်အား လိုအပ်သည့် ကာကွယ်စောင့်ရှောက်မှုများကို LSRPDF (YRPA)မှ ကြိုးစားဆောင်ရွက်ပေးနေကြောင်း ဖော်ပြသည်။
![ဓာတ်ပုံ - LSRPDF(YRPA)](https://i0.wp.com/www.ludunwayoo.com/wp-content/uploads/2022/07/293423570_421468563375935_4667463170921860931_n.jpg?resize=720%2C540&ssl=1)
![ဓာတ်ပုံ - LSRPDF(YRPA)](https://i0.wp.com/www.ludunwayoo.com/wp-content/uploads/2022/07/292756289_421468613375930_8481549663715441961_n.jpg?resize=720%2C540&ssl=1)
![ဓာတ်ပုံ - LSRPDF(YRPA)](https://i0.wp.com/www.ludunwayoo.com/wp-content/uploads/2022/07/293235533_421468653375926_2603947883644058965_n.jpg?resize=720%2C540&ssl=1)
“နောက်ထပ်လည်း စစ်ဘေးရှောင်တွေ တိုးလာဦးမယ်လို့သိရပြီး မိုးကာနဲ့ အစားအသောက်က အဓိကဖြစ်နေတယ်ခင်ဗျ”ဟု LSRPDF(YRPA) မှ ရဲဘော်တစ်ဦးက ပြောသည်။
စစ်ဘေးရှောင်ပြည်သူများအတွက် ကျန်းမာရေးနှင့်ညီညွတ်သော နေရာထိုင်ခင်း၊ မိုးကာ၊ စောင်၊ ခြင်ထောင်၊ စားနပ်ရိက္ခာ၊ အဝတ်အထည်၊ တစ်ကိုယ်ရည်သုံးပစ္စည်းများနှင့် ဆေးဝါးများကို အတတ်နိုင်ဆုံး ကူညီရှာဖွေ ထောက်ပံ့ပေးနေကြောင်း ၎င်းက ဆက်ပြောသည်။
![ဓာတ်ပုံ - LSRPDF(YRPA)](https://i0.wp.com/www.ludunwayoo.com/wp-content/uploads/2022/07/292554888_421468510042607_4967838847296577517_n.jpg?resize=720%2C960&ssl=1)
ပြီးခဲ့သည့်ရက်ပိုင်းများက ဆော-ဆိတ်ဖြူလမ်းပိုင်းတွင် စစ်ကောင်စီတပ်နှင့် ဒေသကာ ကွယ်ရေးတပ်များတိုက်ပွဲဖြစ်ပွားခဲ့ရာ စစ်ကောင်စီတပ်ဘက်မှ အထိနာခဲ့ပြီး လက်ရှိတွင် အင်အားထပ်မံဖြည့်တင်းနေသောကြောင့် အချိန်မရွေးတိုက်ပွဲဖြစ်လာနိုင်ကြောင်း LSRPDF (YRPA)က အသိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)