ရန်ကုန်မြို့၊ အောင်ဆန်းကွင်းပတ်လည်မှာရှိတဲ့ ကုန်ပစ္စည်းသယ်ယူပို့ဆောင်ရေးဂိတ်တွေကို စစ်ကောင်စီက ဒီနေ့သြဂုတ်လ ၄ ရက်ကစတင်ပြီး အကန့်အသတ်မရှိပိတ်ခိုင်းလိုက်တယ်လို့ကုန်ပစ္စည်းပို့ဆောင်ရေး ဝန်ဆောင်မှုပေးနေသူတွေထံကသိရပါတယ်။
![အောင်ဆန်းကွင်းက ပစ္စည်းပို့ဆောင်ရေးဂိတ်တွေကို စစ်ကောင်စီ ပိတ်သိမ်း](https://i0.wp.com/www.ludunwayoo.com/wp-content/uploads/2022/08/297643006_437328111789980_6469891399461478780_n.jpg?resize=880%2C586&ssl=1)
အောင်ဆန်းကွင်းဂိတ်တွေကို ပိတ်လိုက်ရတာကြောင့် ပစ္စည်းရောက်ရှိချိန် ရက်ကြာခဲ့ရင် နားလည်ပေးကြဖို့ ပစ္စည်းသယ်ယူပို့ဆောင်ရေးဝန်ဆောင်မှုပေးနေသူအချို့က ဖေ့ဘွတ်ခ်ကနေအသိပေးလာတာတွေရှိနေပါတယ်။
ပြီးခဲ့တဲ့ ဇွန်လအတွင်းကလည်း အောင်ဆန်းကွင်းက ဂိတ်တွေကို ၃ ရက်တာ စစ်ကောင်စီက ပိတ်ခိုင်းခဲ့ပါသေးတယ်။
![အောင်ဆန်းကွင်းက ပစ္စည်းပို့ဆောင်ရေးဂိတ်တွေကို စစ်ကောင်စီ ပိတ်သိမ်း](https://i0.wp.com/www.ludunwayoo.com/wp-content/uploads/2022/08/296107189_437328025123322_462853276994360134_n.jpg?resize=880%2C660&ssl=1)
![အောင်ဆန်းကွင်းက ပစ္စည်းပို့ဆောင်ရေးဂိတ်တွေကို စစ်ကောင်စီ ပိတ်သိမ်း](https://i0.wp.com/www.ludunwayoo.com/wp-content/uploads/2022/08/296628320_437328048456653_8387312528406471192_n.jpg?resize=880%2C660&ssl=1)
![အောင်ဆန်းကွင်းက ပစ္စည်းပို့ဆောင်ရေးဂိတ်တွေကို စစ်ကောင်စီ ပိတ်သိမ်း](https://i0.wp.com/www.ludunwayoo.com/wp-content/uploads/2022/08/297541160_437328028456655_1306094467488743273_n.jpg?resize=880%2C660&ssl=1)
![အောင်ဆန်းကွင်းက ပစ္စည်းပို့ဆောင်ရေးဂိတ်တွေကို စစ်ကောင်စီ ပိတ်သိမ်း](https://i0.wp.com/www.ludunwayoo.com/wp-content/uploads/2022/08/297550054_437328088456649_1261491944971992367_n.jpg?resize=880%2C660&ssl=1)
ဒီတခေါက်မှာတော့ ဘယ်အချိန် ပြန်ဖွင့်ရမယ့်အချိန် မသိရှိရသေးကြောင်း ကုန်ပစ္စည်းပို့ဆောင်ရေးဝန်ဆောင်မှု လုပ်နေသူအချို့ထံကသိရပါတယ်။
စားသောက်ကုန်နဲ့ လူသုံးကုန်ပစ္စည်းတွေကို ရန်ကုန်ကနေ နယ်မြို့တွေဆီ သယ်ယူ ပို့ဆောင်တာတွေကို အောင်ဆန်းကွင်းက ဂိတ်တွေဟာ အများဆုံးဆောင်ရွက်ပေးကြတာဖြစ်ပါတယ်။
အောင်ဆန်းကွင်းကို ပြီးခဲ့တဲ့ ဇူလိုင်လ လဆန်း က စစ်ကောင်စီခေါင်းဆောင် လာရောက်ခဲ့ပြီး ကွင်းကိုအဆင့်မြှင့်တင်မှုတွေလုပ်မယ်လို့ ညွှန်ကြားခဲ့ပါသေးတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)