ဝါဆိုလပြည့်နေ့မှာတော့ ရွှေတိဂုံစေတီတော်ကို လာရောက်ဖူးမြှော်သူများပြားခဲ့ပါတယ်။
အခါကြီး ရက်ကြီးတွေတိုင်း ဘုရားတွေမှာ လူစည်ကားလေ့ရှိသလို ဒီနေ့က ဘုရားပြန်ဖွင့်ပြီးချိန်မှာ လူအများဆုံးလာတဲ့နေ့လို့ပြောလို့ရတယ်လို့ စောင်းတန်းကဈေးရောင်းသူတွေကဆိုပါတယ်။
မနက်အစောပိုင်းကတည်းက မိုးရွာနေပေမယ့်လည်း ဘုရားပေါ်မှာလူစည်ကားနေခဲ့တာပါ။
တတ်သူ၊ ဆင်းသူ များပြားလွန်းတာကြောင့် စောင်းတန်းတွေမှာ တိုးဝှေ့နေရတယ်လို့ ဘုရားဖူးတွေကပြောပါတယ်။
လူတွေတော်တော်များတာကြောင့် တချို့လူစုကွဲသူတွေက အလှူခံတဲ့နေရာတွေကနေ ဘယ်သူတော့ ဘယ်ရောက်နေတယ်ဆိုတာမျိုးအော်ပေးနေတာတွေလည်းကြားခဲ့ရပါတယ်။
တချို့မိသားစုတွေက တစ်နေကုန်ဘုရားမှာနေဖို့ အစားအသောက်တွေကိုပါထုပ်လာပြီး ဘုရားပေါ်က ဇရပ်တွေမှာ စားနေကြတာတွေလည်းတွေ့ခဲ့ရပါတယ်။
ရန်ကုန်မှဦရှိတဲ့ အခြားနာမည်ကြီးဘုရားတွေကို ဆက်သွားဖို့ အစီအစဉ်ဆွဲပြီးပြင်နေကြတဲ့ ဘုရားဖူးတွေလည်းရှိပါတယ်။
