မကွေးတိုင်း ဆောမြို့နယ် ကျောက်ထုအမြှောက်တပ်မှ ထွက်လာသည့် စစ်ကောင်စီတပ်များကို ယနေ့ (ဩဂုတ် ၅ရက်) နံနက်ပိုင်းက တိုက်ခိုက်ခဲ့ကြောင်း ကျောက်ထုပြည်သူ့ကာကွယ်ရေးတပ်(PDF)က ထုတ်ပြန်သည်။
အင်အား ၁၀၀ခန့်ရှိ စစ်ကောင်စီတပ်သည် ကျောက်ထု အမြှောက်တပ်မှ ခြေလျင်ထွက်လာရာ နံနက်၁၀နာရီ ခွဲခန့်တွင် ကျောက်ထု – ရွှေအောင်သာ လမ်းပိုင်းတစ်နေ၌ ခြုံခိုတိုက်ခိုက်ခဲ့ခြင်းဖြစ်သည်ဟု ဆိုသည်။
ထိုသို့ ခြုံခိုပျောက်ကြားစနစ်သုံးပြီး လက်နက်ငယ် များဖြင့် စောင့်ကြိုပစ်ခတ်တိုက်ခိုက်ခဲ့ရာ စစ်ကောင်စီတပ်မှ တစ်ဦးသေဆုံးပြီး ငါးဦးခန့် ဒဏ်ရာရရှိခဲ့သည်ဟု ဖော်ပြသည်။
အဆိုပါ စစ်ကြောင်းသည် လယ်ဆောရွာ၌ ညအိပ်မည့်အခြေအနေရှိကြောင်း၊ ယနေ့ တိုက်ခိုက်မှုအတွင်း ပြည်သူ့ရဲဘော်များ ထိခိုက်မှုမရှိ ဆုတ် ခွာနိုင်ခဲ့ကြောင်း အသိပေးသည်။
ထိတွေ့တိုက်ပွဲများ ဆက်ရှိနိုင်၍ ပြည်သူများအနေဖြင့် ကျောက်ထု – ထီးလင်းလမ်းပိုင်းအား လုံးဝ(လုံးဝ)အသုံးမပြုကြပါရန် ကျောက်ထု PDFက သတိပေးမေတ္တာရပ်ခံခဲ့သည်။
