ကရင်ပြည်နယ်ကော့ကရိတ်မြို့နယ်တွင် ယနေ့ ဒီဇင်ဘာ ၃၁ရက် နံနက်တိုက်ပွဲများ ဆက်လက်ဖြစ်ပွားနေပြီး တိုက်ပွဲပြင်းထန်ကြောင်း ဒေသခံက ပြောသည်။
ယနေ့နံနက် ၇နာရီ ၄၀ ခန့်မှစ၍ တိုက်ပွဲစတင်ခဲ့ပြီး ယခုအချိန်ထိ လက်နက်ကြီး ပစ်ခတ်မှုများရှိနေသည်ဟု ဆိုသည်။
![(KNLA/PDF ပူးပေါင်းတပ်မှ ရဲဘော်များအား ကော့ကရိတ်တိုက်ပွဲအတွင်း တွေ့ရစဉ်၊ ဓာတ်ပုံ - တောင်ပိုင်းစစ်ဒေသနှင့်သတင်းပြန်ကြားရေး)](https://i0.wp.com/www.ludunwayoo.com/wp-content/uploads/2022/12/323284971_555794553103634_3289297062747736210_n.jpg?resize=731%2C1024&ssl=1)
“ဒီမနက် တိုက်ပွဲဖြစ်တယ်။ ပွဲကြမ်းတယ်။ ဒီမနက်က ရင်ဆိုင်တိုက်ပွဲဖြစ်နိုင်တယ်။ အလုံးကြီး (လက်နက်ကြီး)ကလည်း မိုးရွာသလိုပဲ ကြဲချတာကိုး။ ဖြစ်တာက ကော့နွဲ့မှာပဲ။ ညတုန်းက သူတို့နေရာယူဖို့ ကြိုးစားနေတာ၊ အခုလည်း သူတို့နေရာယူဖို့ ကြိုးစားနေတာ”ဟု ဒေသခံက ပြော သည်။
တိုက်ပွဲတွင် ထိခိုက်နစ်နာမှု အခြေအနေများကို မကြားသိရသေးဟု ဆိုသည်။
စစ်ကောင်စီတပ်သည် ယမန်နေ့ကလည်း ကော့ကရိတ်တွင် သံချပ်ကာယာဉ်၊ လက်နက်ကြီးနှင့် လေကြောင်းပစ်ကူများအသုံးပြုပြီး စစ်ရေးလှုပ်ရှားခဲ့သည်ဟု ဆိုသည်။
ကော့ကရိတ်တိုက်ပွဲသည် ဒီဇင်ဘာ ၁၆ရက်က စ၍ နေ့စဉ်နီးပါးဖြစ်ပွားနေပြီး နှစ်ပတ်ကျော်ကြာပြီဖြစ်သည်။
တိုက်ပွဲနှင့် လက်နက်ကြီးပစ်ခတ်မှု၊ လေကြောင်းတိုက်ခိုက်မှုများကြောင့် ဒေသခံပြည်သူများ ထွက်ပြေးတိမ်းရှောင်နေကြရသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)