စစ်ကိုင်းတိုင်း၊ ရွှေဘိုမြို့နယ်၊ မြင်းစီးကျေးရွာရှိ ပျူစောထီးစခန်းကို ဝင်ရောက်တိုက်ခိုက်ရာအများအပြားသေဆုံးနိုင်ကြောင်း Shwebo Local People Defense Force အဖွဲ့ ပြန်ကြားရေးတာဝန်ခံက ပြောသည်။
ယမန်နေ့ (ဇန်နဝါရီ၂၅ ရက်)က မြင်းစီးကျေးရွာရှိ ပျူခေါင်းဆောင်ဦးဌေးအောင် ဦးဆောင်သည့်ပျူစခန်းကို ကာကွယ်ရေးအထူးတပ်ဖွဲ့များ ဝင်ရောက်ပစ်ခတ်ရာ ပျူ ၁၀ဦးထက််နည်းသေဆုံးနိုင်ကြောင်းPDFဘက်ကလည်း ရဲဘော်နှစ်ဦး ဝမ်းဗိုက်နှင့်ခြေထောက်ထိမှန်ခဲ့ပြီး မစိုးရိမ်ရကြောင်း Shwebo LPDFအဖွဲ့ ပြန်ကြားရေးတာဝန်ခံက ပြောသည်။
![(စစ်ဆင်ရေးတစ်ခုတွင် တွေ့ရသည့် Shweo LPDF ရဲဘော်များ)](https://i0.wp.com/www.ludunwayoo.com/wp-content/uploads/2023/01/327307119_558518459537584_1341621430312937705_n.jpg?resize=718%2C411&ssl=1)
မြင်းစီးရွှေကျောင်းတိုက်တွင် ပျူ့အချို့ ဖမ်းဆီးရမိပြီး စိုက်ပျိုးရေးသင်တန်းကျောင်းမှ စစ် ကားနှစ်စီးရောက်ရှိလာ၍ တော်လှန်ရေးရဲဘော်များ အထိအခိုက်မရှိ ဆုတ်ခွာခဲ့ကြောင်း၊ ညပိုင်းအချိန်ဖြစ်၍ လက်နက်မသိမ်းလိုက်နိုင်ကြောင်း ၎င်းက ဆိုသည်။
“တိုက်ပွဲဖြစ်ပွားချိန် မကြာဘူးဗျ။အသေအပျောက်ကတော့ ညပိုင်းတိုက်ပွဲမို့သဲကွဲစွာ မသိသေးပါဘူး။ မြင်းစီးရွာထဲမှာတော့ ပျူနဲ့စကစတချို့ရှိနေပါသေးတယ်။ ပျူခေါင်းဆောင် ဌေးအောင်ကတော့ မတွေ့ဘူးဗျ။”ဟု ၎င်းက ပြောသည်။
ဇန်နဝါရီ၂၂ရက်ကလည်း ရွှေဘိုမြို့နယ်၊တည်သီးတောကျေးရွာနှင့်ရွာသာကျေးရွာရှိ ပျူများအား ဒေသတွင်းတော်လှန်ရေးအင်အားစုများက တိုက်ခိုက်ခဲ့သေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)