စစ်ကောင်စီရွေးကောက်ပွဲ ဆန့်ကျင်ရေး ကော်မတီ ဟာ NLD ပါတီအပါအဝင်သပိတ်အင်အားစုတွေနဲ့ ပြီးခဲ့တဲ့ ရက်ပိုင်းကတွေ့ဆုံဆွေးနွေးလိုက်ကြပါတယ်။
အဲဒီတွေ့ဆုံပွဲကို ကမကထ လုပ်တဲ့ စစ်ကောင်စီ ရွေးကောက်ပွဲဆန့်ကျင်ရေးကော်မတီဟာ နွေဦးတော်လှန်ရေးဦးဆောင်မှု အခန်းကဏ္ဍ မှာရှိတဲ့ အမျိုးသားညီညွတ်ရေးအတိုင်ပင်ခံကောင်စီ(NUCC) နဲ့ NUG အစိုးရ အဖွဲ့ကိုယ်စားလှယ်တွေ ပူးပေါင်းဖွဲ့စည်းထားတာပါ။
အဲဒီကော်မတီဟာ ဇန်နဝါရီလ ၂၅ ရက်မှာ NLD ပါတီ ဗဟိုအလုပ်ကော်မတီ ၊ သပိတ်အင်အားစုတွေနဲ့ သီးခြားစီတွေ့ဆုံခဲ့တယ်လို့ NUG ဘက်က ဒီနေ့မှာ အသိပေးပါတယ်။
တွေ့ဆုံဆွေးနွေးမှု ရလဒ်တွေကို တော့ အသေးစိတ်ထုတ်ပြန်တာမတွေ့ရပါဘူး ။
၂၀၂၃ နှစ်ဆန်းပိုင်းမှာ တော်လှန်ရေးအင်အားစုတွေဘက်က စစ်ကောင်စီရဲ့ရွေးကောက်ပွဲ ကို ဆန့်ကျင်မှုတွေ အရှိန်မြင့်လာသလို စစ်ကောင်စီဘက်ကလည်း ရွေးကောက်ပွဲမဖြစ်ဖြစ်အောင် လုပ်မယ်လို့ ပြောပါတယ်။
