တိုက်ပွဲများအတွင်းဖမ်းမိခဲ့သည့် RCSS တပ်ဖွဲ့ဝင်စစ်သုံ့ပန်း(၁၁)ဦး နှင့် အကျဉ်းသား (၈)ဦးကို လွတ်ငြိမ်းချမ်းသာခွင့်ပေးလိုက်ကြောင်းTNLA က သတင်းထုတ်ပြန်သည်။
တပ်သားအဆင့်ရှိ RCSS တပ်ဖွဲ့ဝင်(၁၁) ဦး၏ အမည်များကို ဖော်ပြထားပြီး ပလောင်ပြည်နယ်လွတ်မြောက်ရေးတပ်ဦး PSLF/TNLA ဥက္ကဌ ဒုတိယဗိုလ်ချုပ်ကြီး တားအိုက်ဘုန်း၏ လွတ်ငြိမ်းချမ်းသာခွင့်အမိန့်ဖြင့် လွတ်ငြိမ်းခွင့် ပြုလိုက်ခြင်းဟု ယနေ့(ဇန်နဝါရီလ ၂၈ရက်)ထုတ်ပြန်သည်။
![(စစ်သုံ့ပန်းများကို လွတ်ငြိမ်းခွင့်ပြုစဥ်။ ဓါတ်ပုံ-TNLA)](https://i0.wp.com/www.ludunwayoo.com/wp-content/uploads/2023/01/327722609_1729198167475577_4768776101737271599_n.jpg?resize=880%2C586&ssl=1)
TNLAက ယနေ့လွတ်ငြိမ်းခွင့်ပြုခဲ့သူများတွင် RCSS တပ်ဖွဲ့ဝင် စစ်သုံ့ပန်း (၁၁)ဦးအပြင် အကျဉ်းသား (၈)ဦးလည်း ပါဝင်သည်။
ယခုတစ်ကြိမ်မှာ ၂၀၂၃ခု နှစ်အတွင်း TNLA၏ ဒုတိယအကြိမ် လွတ်ငြိမ်းခွင့်ပြုခြင်းဖြစ်သည်။ ပြီးခဲ့သည့် ဇန်နဝါရီလ ၁၂ ရက်နေ့က နှစ် (၆၀)ပြည့်တအာင်းအမျိုးသားတော်လှန်ရေးနေ့တွင် အကျဥ်းသား (၇၃)ဦးကိုပထမအကြိမ် လွတ်ငြိမ်းချမ်းသာခွင့် ပေးခဲ့သည်ဟု TNLAသတင်းနှင့်ပြန်ကြားရေးဌာနက အသိပေးသည်။
![(စစ်သုံ့ပန်းများကို လွတ်ငြိမ်းခွင့်ပြုစဥ်။ ဓါတ်ပုံ-TNLA)](https://i0.wp.com/www.ludunwayoo.com/wp-content/uploads/2023/01/327762389_2793081874161183_5047696662396908339_n.jpg?resize=880%2C586&ssl=1)
ရှမ်းပြည်နယ်၊ တအာင်းပလောင်ဒေသတွင်ဘ အခြေစိုက်သည့်TNLA သည် စစ်ကောင်စီကနိုင်ငံတော်အာဏာသိမ်းသည်ကိုဆန့်ကျင်တော်လှန်နေသည့် တိုင်းရင်းသားလက်နက်ကိုင်းအဖွဲ့တစ်ဖွဲ့ဖြစ်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)