ချင်းပြည်နယ် တွန်းဇံမြို့နယ် ဒါရ်ခိုင်းရွာရှိ စစ်ကောင်စီတပ်စခန်းကို ချင်းအမျိုးသားတပ်မတော်(CNA)က မီးရှို့ဖျက်ဆီးလိုက်ကြောင်း CNA ပြောရေးဆိုခွင့်ရှိသူ ဆလိုင်းထက်နီက အတည်ပြုသည်။
အမှတ်(၂၆၈)ခြေလျင်တပ်ရင်း ဒါရ်ခိုင်းတပ်စခန်းကို CNAတပ်ဖွဲ့က မတ်လ ၁၇ရက်တွင် ဝင်ရောက်မီးရှို့ခဲ့ကြောင်း The Rihli Voiceက ဖော်ပြခဲ့ရာ ဆလိုင်းထက်နီက အတည်ပြုဖြေကြားခဲ့ခြင်းဖြစ်သည်။
![(အမှတ်(၂၆၈)ခြေလျင်တပ်ရင်း ဒါရ်ခိုင်းတပ်စခန်းအား မီးရှို့ဖျက်ဆီးနေစဉ်။ ဓာတ်ပုံ - The Hakha Post)](https://i0.wp.com/www.ludunwayoo.com/wp-content/uploads/2023/03/336653425_1593081274513847_867693864436899616_n.jpg?resize=771%2C1024&ssl=1)
![(အမှတ်(၂၆၈)ခြေလျင်တပ်ရင်း ဒါရ်ခိုင်းတပ်စခန်းအား မီးရှို့ဖျက်ဆီးနေစဉ်။ ဓာတ်ပုံ - The Hakha Post)](https://i0.wp.com/www.ludunwayoo.com/wp-content/uploads/2023/03/336643972_229685849446551_3158704128337301370_n.jpg?resize=771%2C1024&ssl=1)
အဆိုပါ တပ်စခန်းသည် ၂၀၂၂ နိုဝင်ဘာ ၁ရက် တွင် ရုတ်သိမ်းသွားခြင်းဖြစ်ကြောင်း ဆလိုင်းထက်နီက ပြောသည်။
ယင်းတပ်စခန်းရှိ စစ်ကောင်စီတပ်သားများကို ရဟတ်ယာဉ်ဖြင့် ခေါ်ဆောင်သွားခြင်းဖြစ်ကြောင်း The Rihli Voiceက ဖော်ပြသည်။ ဒါရ်ခိုင်းရွာသည် မြန်မာ- အိန္ဒိယနယ်စပ်၌ တည်ရှိသည့် ကျေးရွာဖြစ်သည်။
![(အမှတ်(၂၆၈)ခြေလျင်တပ်ရင်း ဒါရ်ခိုင်းတပ်စခန်းအား မီးရှို့ဖျက်ဆီးနေစဉ်။ ဓာတ်ပုံ - The Hakha Post)](https://i0.wp.com/www.ludunwayoo.com/wp-content/uploads/2023/03/336390582_5915982415150306_1865714343889663154_n.jpg?resize=771%2C1024&ssl=1)
![(အမှတ်(၂၆၈)ခြေလျင်တပ်ရင်း ဒါရ်ခိုင်းတပ်စခန်းအား မီးရှို့ဖျက်ဆီးနေစဉ်။ ဓာတ်ပုံ - The Hakha Post)](https://i0.wp.com/www.ludunwayoo.com/wp-content/uploads/2023/03/336388137_1922091768153223_6452710937126328813_n.jpg?resize=771%2C1024&ssl=1)
ချင်းပြည်နယ် ဒေသအချို့တွင် အရင်ကလည်း အင်အားနည်းသည့် စစ်ကောင်စီတပ်စခန်းအချို့ စခန်းကို စွန့်ခွာရုတ်သိမ်းခဲ့သည့် ဖြစ်စဉ်အချို့ရှိခဲ့သည်။
ချင်းပြည်နယ်တွင် CNA နှင့် ဒေသအသီးသီးရှိ ချင်းဒေသကာကွယ်ရေးတပ်(CDF) တပ်တို့ အားကောင်းလာပြီး ထန်တလန်ရဲစခန်းကို တိုက်ခိုက်သိမ်းပိုက်ခြင်း၊ စစ်ကောင်စီ တပ်စစ်ကြောင်း၊ ယာဉ်တန်းနှင့် တပ်စွဲရာနေရာများကို တိုက်ခိုက်ခြင်းများ မကြာခဏ လုပ်ဆောင်ခဲ့ရာ စစ်ကောင်စီတပ်က အထိနာခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)