တိုက်ပွဲဖြစ်ပွားတာမရှိဘဲ ကရင်ပြည်နယ် ကော့ကရိတ်မြို့နယ်ထဲကို ဒီနေ့ ဇွန်လ ၆ ရက် မနက်ပိုင်းက စစ်ကောင်စီလေတပ်က ဗုံးကြဲသွားတယ်လို့ ဒေသခံက ပြောပြပါတယ်။
ကော့ကရိတ်မြို့နယ် ၊စံဖလားကျေးရွာထဲကို မနက် ၃ နာရီခွဲခန့်က ဗုံး ၄ လုံးကြဲချရာမှာ ၂ လုံးပေါက်ကွဲခဲ့တယ်လို့ အဲဒီ ကော့ကရိတ်ဒေသခံသတင်းရင်းမြစ်ကဆိုပါတယ်။
ဗုံးဒဏ်ကြောင့် ကျေးရွာက စာသင်ဆောင်နဲ့ နေအိမ်အချို့ ထိခိုက်ခဲ့ပေမယ့် လူထိခိုက်ဒဏ်ရာရတာမရှိဘူးလို့ အဲဒီသတင်းရင်းမြစ်ထံကသိရပါတယ်။
“အစတွေတော့မှန်တယ် စံဖလားကျောင်းကို၊ အိမ်ဘေးကိုလည်း အစရောက်တယ်” လို့ သတင်းရင်းမြစ်က ဆိုပါတယ်။
ဗုံးကြဲခံရပြီးနောက် ကျေးရွာက စာသင်ကျောင်းကိုပိတ်ထားလိုက်ရပြီး ဒေသခံတွေ စိုးရိမ်ထိတ်လန့်နေကြတယ်လို့သိရပါတယ်။
အခုလို ဗုံးကြဲတဲ့ဒေသဟာ KNU တပ်မဟာ ၆ နယ်မြေဖြစ်ပါတယ်။
