မန္တလေးတိုင်း မတ္တရာမြို့နယ် ကြပ်ပြင်ကျေးရွာ၌တပ်စွဲထားသည့် စစ်ကောင်စီတပ်စစ်ကြောင်းကို စနိုက်ပါဖြင့် ပစ်ခတ်တိုက်ခိုက်ခဲ့ရာ နှစ်ဦးသေဆုံးကြောင်း မြနန္ဒာစစ်ဆင်ရေး မန္တလေးမှ တာဝန်ရှိသူက ပြောသည်။
အင်အား ၄၀ခန့်ရှိသည့် စစ်ကောင်စီစစ်ကြောင်းသည် ရုံးပင်ရွာမှ ကြပ်ပြင်ကျေးရွာသို့စစ်ကြောင်းကူး တပ်စွဲထားခြင်းဖြစ်ပြီး ဇွန်လ ၂၀ ရက် နေ့လယ် ၁၁ နာရီခန့်တွင် စနိုက်ပါဖြင့် သုံးချက်ပစ်ခဲ့ရာ စစ်ကောင်စီတပ်ဖွဲ့ဝင် နှစ်ဦးသေဆုံးကြောင်း ၎င်းက ပြောသည်။
စစ်ကောင်စီဘက်မှ ပြန်လည်ပစ်ခတ်မှုများရှိသော်လည်း ၎င်းတို့ရဲဘော်အားလုံး ဘေးကင်းကြောင်း ၎င်းက ဆိုသည်။
“သူတို့တွေက စနိုက်ပါနေရာမသိဘူး။ ရမ်းပစ်နေတာ” ဟု အထက်ပါတာဝန်ရှိသူက ပြောသည်။
မြနန္ဒာစစ်ဆင်ရေးအနေဖြင့် ယခုထက်ပို၍ မစ်ရှင်များ လုပ်ဆောင်၍ စစ်ကောင်စီကို တိုက်ခိုက်နိုင်ရန် ပြည်သူများ၏ ထောက်ပံ့မှုလိုအပ်သောကြောင့် ပါဝင်ကူညီပေးရန်လည်း မေတ္တာရပ်ခံထားသည်။
မြနန္ဒာစစ်ဆင်ရေးကို ထောက်ပံ့လိုသူများအနေဖြင့် ၎င်းတို့၏ ဖေ့စ်ဘွတ်ခ် ၊ တယ်လီဂရန် မှ ပါဝင်နိုင်သလို Voice of Mandalay မှ တစ်ဆင့်လည်း ထောက်ပံ့ပေးနိုင်သည်။
