ဖားကန့်တွင် မိုးကောင်းနေသဖြင့်ဥရုချောင်းရေလျှံကာလုံးခင်းကျေးရွာအုပ်စုအပါအဝင် မြေနိမ့်ပိုင်းရပ်ကွက်များ ရေကြီးနစ်မြုပ်နေကြောင်း ဒေသခံများကပြောသည်။
“ရေက တရိပ်ရိပ်တက်နေတာပါ။ အထက်မှ မိုးများနေတာ။ မိုးဆက်ကောင်းရင် အိမ်ကနေ ခွာရမယ်”ဟု လုံးခင်းဒေသခံတစ်ဦးကပြောသည်။
![(ဖားကန့်ဒေသတွင် ဇွန် ၂၂ ရက်ကရေကြီးရေလျှံနေစဥ်။ ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/06/352750736_602908188574644_1525822418341605886_n.jpg?resize=720%2C405&ssl=1)
ယနေ့(ဇွန် ၂၂) ညနေတွင် ဖားကန့်၌ မိုးဆက်ရွာနေပြီး လုံးခင်းကျေးရွာအုပ်စု၊ ရပ်ကွက်(၄)၊ ငှက်ပျောတောရပ်ကွက်တို့တွင် နေအိမ်များအတွင်း ရေဝင်နေကြောင်း ဒေသခံများကပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ယခုတစ်ပတ်အတွင်း ဘင်္ဂလားပင်လယ်အော်တွင်မုတ်သုံလေ အားကောင်းလာနိုင်ပြီး ကမ်းရိုးတန်းဒေသများနှင့် မြန်မာနိုင်ငံ မြောက်ပိုင်းဒေသများတွင် မိုးကြီးနိုင်ကြောင်း အမျိုးသားညီညွတ်ရေးအစိုးရ၊လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစိီမံခန့်ခွဲရေးဝန်ကြီးဌာန MOHADM က သတင်းထုတ်ပြန်ထားသည်။ မိုးကြီးပြီး မြစ်ချောင်းများ ရေကြီးရေလျှံနိုင်ခြေရှိ၍ရေဘေးသတိပြုကြရန် MOHADM က သတိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)