မွန်ပြည်နယ်နဲ့ တနင်္သာရီတိုင်းကိုဆက်သွယ်ထားတဲ့ အမှတ်(၈) ပြည်ထောင်စုလမ်းမကြီးမှာ ဒီနေ့မနက်ပိုင်းက နယ်မြေစိုးမိုးရေးနဲ့ လုံခြုံရေးအရ စစ်ဆေးမှုတွေ ပြုလုပ်ခဲ့တယ်လို့ NUG ကာကွယ်ရေးဝန်ကြီးဌာန လက်အောက်ခံ အထူးစစ်ဆင်ရေးတပ်ဖွဲ့ (S.O.F) က ထုတ်ပြန်ပါတယ်။
စစ်ဆေးမှုကိုKNU ၊ ရေဘီးလူးတပ်ဖွဲ့တို့နဲ့အတူပူးပေါင်းစစ်ဆေးခဲ့တာလို့သိရပါတယ်။
လမ်းပိုင်းစစ်ဆေးမှုကို မွန်ပြည်နယ်၊ ရေးမြို့နဲ့ သံဖြူဇရပ်မြို့ကြားက လမ်းပိုင်းမှာဆောင်ရွက်ခဲ့တာလို့သိရပြီး ဇွန်လ ၁၉ ရက်ကစတင်စစ်ဆေးနေတာပါ။
![ဗျုဟာကျတဲ့ အမှတ် ၈ လမ်းမကြီးမှာ နယ်မြေစိုးမိုးရေးအတွက် PDF တပ်တွေ စစ်ဆေးနေ](https://i0.wp.com/www.ludunwayoo.com/wp-content/uploads/2023/06/355455789_602992115232918_4529960177350401709_n.jpg?resize=880%2C660&ssl=1)
ဒီလို စစ်ဆေးရာမှာ စစ်ကောင်စီတပ်နဲ့ဆက်နွယ်သူ ၄ ဦးကို ဖမ်းမိခဲ့တယ်လို့လည်း S.O.F ကဆိုထားပါတယ်။
ဒါအပြင် လမ်းပိုင်းစစ်ဆေးနေချိန် စစ်ကောင်စီတပ်ဘက်က လက်နက်ကြီးနဲ့ လှမ်းပစ်တာလည်းရှိတယ်လို့ သိရပါတယ်။
လမ်းပိုင်းစစ်ဆေးနေချိန်မှာ ခရီးသွားပြည်သူတွေအနေနဲ့ ပူးပေါင်းပါဝင်ပေးဖို့ မေတ္တာရပ်ခံထားတာတွေ့ရပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)