မကွေးတိုင်းရှိ ပြည်သူ့ကာကွယ်ရေးတပ်မတော် (PDF)တပ်ရင်း ငါးခုကို လက်နက်များတပ်ဆင် လိုက်ပြီဖြစ်ကြောင်း အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာနက ယနေ့ထုတ်ပြန်ကြေညာသည်။
ကာကွယ်ရေးဝန်ကြီးဌာနအနေဖြင့် ပြည်သူ့ကာကွယ်ရေးတပ်များကို လက်နက်တပ်ဆင်ရာတွင် တပ်ရင်းလိုက် တပ်ဆင်နေရာမှ ယခုအခါ တပ်ရင်း ငါးရင်းကို တပြိုင်နက်တပ်ဆင်ပေးနိုင်လာခြင်းဖြစ်သည်။
![(မကွေးတိုင်းရှိ ပြည်သူ့ကာကွယ်ရေးတပ်မတော် (PDF)တပ်ရင်း ငါးခုကို လက်နက်များတပ်ဆင်ပေးနေစဉ်။ ဓာတ်ပုံ- MOD/NUG)](https://i0.wp.com/www.ludunwayoo.com/wp-content/uploads/2023/06/353410685_603705478494915_947310413298612663_n.jpg?resize=880%2C587&ssl=1)
NUGကာကွယ်ရေးဝန်ကြီးဌာနက ထုတ်ပြန်ရာတွင် ပြည်သူ့ကာကွယ်ရေးတပ်မတော်၊ မကွေးတိုင်းကွပ်ကဲရေးရုံးမှ ဦးစီးကျင်းပသည့် စုဖွဲ့၊လေ့ကျင့်၊ လက်နက်တပ်ဆင်မှု သင်တန်းအပတ်စဉ် (၆) သင်တန်းဆင်းပွဲနှင့် လက်နက်တပ်ဆင်မှု အခမ်းအနားကို ဇွန်လ ၂၃ရက်က ပြုလုပ်ခဲ့ခြင်းဟု ဆိုသည်။
ထိုအခမ်းအနားတွင် တာဝန်ရှိသူများက မကွေးတိုင်းရှိ PDFတပ်ရင်း ငါးရင်းကို လက်နက်များတပ် ဆင်ပေးခဲ့ခြင်းဖြစ်သည်။
![(မကွေးတိုင်းရှိ ပြည်သူ့ကာကွယ်ရေးတပ်မတော် (PDF)တပ်ရင်း ငါးခုကို လက်နက်များတပ်ဆင်ပေးနေစဉ်။ ဓာတ်ပုံ- MOD/NUG)](https://i0.wp.com/www.ludunwayoo.com/wp-content/uploads/2023/06/355677934_603705351828261_2587304541747663567_n.jpg?resize=512%2C768&ssl=1)
“မကွေးတိုင်းထဲမှာ ခရိုင်တပ်ရင်းတွေကို NUG ဘက်က လက်နက်တပ်ဆင်မှုတွေ လုပ်ပေးနေတာကြာပါပြီ။ (တပ်)ခွဲမှုး၊ ဒုခွဲမှူးတွေ သင်တန်းတက်ရတယ်။ တပ်ဖွဲ့ဝင်တွေလည်း သင်တန်းတက်ရတယ်။ ဒီသင်တန်းတွေတတ်ပြီးရင် လက်နက်တပ်ဆင်မှုက ရှိလာတာပါ”ဟု မကွေးတိုင်းအခြေစိုက် ခရိုင်တပ်ရင်းမှူးတစ်ဦးက ပြောသည်။
တစ်နှစ်ဗျူဟာနှင့်အညီ စစ်ဆင်ရေးစီမံချက်များကို အကောင်အထည်ဖော်နေပြီး လက်နက်တပ်ဆင်မှုများ ကြိုးစားဆောင်ရွက်နေသည်ဟု NUG ကာကွယ်ရေးဝန်ကြီးဌာန အသိပေးထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)