▪︎စစ်သားများထွက်ပြေးသွားပြီး ခဲယမ်းနှင့်ကျည်များကိုသိမ်းဆည်းရရှိဟု YGF ပြော
မွန်ပြည်နယ်၊ ရေးမြို့နယ်၊ ခေါဇာမြို့နယ်ရှိ စစ်ကောင်စီတပ်စွဲထားသော ဆက်သွယ်ရေးစခန်းကုန်းအားဝင်ရောက်စီးနင်းခဲ့ပြီးခဲယမ်းနှင့်ကျည်များစွာရရှိကြောင်းရေးပြောက်ကျားတပ်ဖွဲ့ YGF က ယနေ့ ထုတ်ပြန်သည်။
၁၄ မိုင်ကျေးရွာအနောက်ဘက်တွင်ရှိသောဆက်သွယ်ရေးစခန်းကုန်း၌ စစ်ကောင်စီမှအရာရှိဦးစီးအင်အား၁၀ ဦးခန့်တပ်စွဲထားပြီး KNLAတပ်ရင်း(27)၊ တပ်ခွဲ (2) နှင် YGF-ရေးပြောက်ကျားတပ်ဖွဲ့ ပူပေါင်းစစ် ကြောင်းတို့က ယမန်နေ့(ဇူလိုင် ၆ရက်) ည ၁၁ နာရီခွဲခန့်က ဝင်ရောက်စီးနင်းတိုက်ခိုက်ခဲ့ခြင်းဖြစ်သည်။
ဝင်ရောက်စီးနင်းတိုက်ခိုက်ချိန်မှာညအချိန်ဖြစ်သောကြောင့် မည်မျှထိခိုက် သေဆုံးဒဏ်ရာရသည်ကို မျက်မြင်အတည်ပြုနိုင်ခဲ့ခြင်းမရှိဘဲစစ်ကောင်စီတပ်သားများ ထွက်ပြေးတိမ်းရှောင်သွားခဲ့ရသည်ဟု အသိပေးသည်။
“ဝင်စီးတဲ့ စခန်းကုန်းနဲ့ ခမရ ၂၉၉ တပ်က တစ်မိုင်ကျော်ပဲရှိတာတောင် စစ်ကူမလိုက်ရဲကြဘူး”ဟု YGF ခေါင်းဆောင် ဗိုလ်ကျန်ရစ်က ပြောသည်။
စစ်ကောင်စီပိုင် ဆက်သွယ်ရေးတာဝါတိုင်ကိုလည်းမီးရှို့ဖျက်ဆီးခဲ့ပြီ နောက် ပူးပေါင်းတပ်ဖွဲ့ကပြန်လည်ဆုတ်ခွာခဲ့ကြောင်း သိရသည်။
စစ်ကောင်စီ၏ဆက်သွယ်ရေးစခန်းကုန်းမှရှေ့ထွက်မိုင်းသုံးလုံး၊ကပ်သီး ၁၈ ခု၊ 5.56 (M-16)ကျည် ၂၁၈ တောင့်၊40mm ကျည် လုံး၂၀၊လက်ပစ်ဗုံး ၂၀၊ကျည်ဘောက် ၁၀ခု၊အီကွေမင့် နှစ်စုံ၊မှတ်ပုံတင် နှစ်ခု၊ဖုန်းသုံးလုံးနှင့်ယူနီဖောင်းတစ်စုံ(တပ်သားအဆင့်)ရရှိကြောင်းသိရသည်။
