ကရင်ပြည်နယ် မြ၀တီမြို့အနီး လက်ခတ်တောင်ဒေသ၌ ယနေ့ တိုက်ပွဲဖြစ်ပွားခဲ့ပြီးစစ်ကောင်စီတပ်မှ အရာရှိတစ်ဦးသေဆုံးခဲ့ကြောင်း ကော်ဘရာစစ်ကြောင်းက သတင်းထုတ်ပြန်သည်။
ဇူလိုင် ၁၈ရက် နံနက် ၇နာရီခန့်တွင် လက်ခတ်တောင်အနီး ရင်ဆိုင်တိုက်ပွဲဖြစ်ပွားခဲ့ရာ ဗိုလ်ကြီးတစ်ဦးသေဆုံးပြီး ဒဏ်ရာရသူ ၅ဦးရှိခဲ့သည်ဟု ဆိုသည်။
ထို့ပြင် စစ်ကောင်စီတပ်ထံမှ MA3 သေနတ် (၁)လက်၊ RPG(၃)လုံး၊ (၆၀)မမ သုံးလုံး၊ အီနာဂါလေးလုံးနှင့် မိုဘိုင်းဖုန်း(၇)လုံးတို့အား သိမ်းဆည်းရမိခဲ့သည်ဟု ထုတ်ပြန်သည်။
ယနေ့တိုက်ပွဲတွင် ရန်သူဘက်မှ လက်နက်ကြီးများဆက်တိုက်ပစ်၍ တိုက်ပွဲပြင်းထန်ခဲ့ကြောင်း၊ ပူးပေါင်းတပ်ဖွဲ့ဘက်မှ တစ်ဦးဒဏ်ရာရခဲ့ကြောင်း အသိပေးထားသည်။
လက်ခတ်တောင်တိုက်ပွဲတွင် စစ်ကောင်စီတပ်ကို KNU/KNLA၊ ကော်ဘရာ စစ်ကြောင်း(၁)၊ ကျားသစ်နက်၊ Federal Wingsတို့ ပူးပေါင်းတိုက်ခိုက်ခဲ့သည်ဟု ထုတ်ပြန်ခဲ့သည်။
