စစ်ကိုင်းတိုင်း၊ စစ်ကိုင်းမြို့နယ်၊ ရွှေဘို – မန္တလေးလမ်းမကြီးပေါ်ရှိ ဆားတောင်ရဲစခန်းကို မောင်းသူမဲ့လေယာဥ်ငယ်ဖြင့် သုံးရက်အတွင်း နှစ်ကြိမ်တိုက်ခိုက်ရာ စခန်းတွင်းပေါက်ကွဲမှုဖြစ်ပွားခဲ့ကြောင်း ကြောင်လက်သည်း Local PDFအဖွဲ့၏ တာဝန်ခံက ပြောသည်။
ယမန်နေ့ (အောက်တိုဘာ ၃ ရက်) နံနက် ၉နာရီခန့်က ဆားတောင်ရဲစခန်းကို မောင်းသူမဲ့လေယာဥ်ငယ်ဖြင့် (၆၀) မမ ဗုံးသီးခုနစ်လုံး ကြဲချတိုက်ခိုက်ခဲ့ရာ စခန်းအတွင်းကျရောက်ပေါက်ကွဲခဲ့ကြောင်း အထက်ပါတာဝန်ခံက ပြောသည်။
“အထိအခိုက်ကျဆုံးသတင်းကို နယ်မြေအခြေနေရ မသိရှိရသေးဘူး။ ပွဲပြီးတော့ ဆားတောင်စခန်းအနီးတစ်ဝိုက် တိတ်ဆိတ်နေတယ်လို့ သိရတယ်။”ဟု ၎င်းကဆက် ပြောသည်။
တိုက်ခိုက်နေစဥ် ဂျက်ဖိုက်တာ တစ်စီးက ဆားတောင်မြို့သို့ လေးကြိမ်ပျံသန်းခဲ့ကြောင်း၊ စခန်းတွင်းရှိ စစ်ကောင်စီတပ်ကလည်း လက်နက်ကြီး၊ငယ်များဖြင့် ပြန်လည်ပစ်ခတ်ခဲ့သော်လည်း ရဲဘော်များအထိအခိုက်မရှိဟု ဆိုသည်။
ထိုတိုက်ပွဲကို နယ်မြေခံတော်လှန်ရေးရဲဘော်များက ကူညီပေးပြီး ကြောင်လက်သည်း Local PDF၊ Dynamite -2 Local PDFနယ်စည်းမခြားဗိုလ်ပျံလွှား Local PDF၊ နယ်စည်းမခြား ကိုးတောင်ကျား Local PDFတို့ ပူးပေါင်းတိုက်ခိုက်ခဲ့ခြင်းဖြစ်သည်။
Public Service Announcement
အောက်တိုဘာ ၁ရက်ကလည်း ဆားတောင်ရဲစခန်းအား မောင်းသူမဲ့လေယာဥ်ဖြင့် ပထမအကြိမ် တိုက်ခိုက်ခဲ့ရာ ထိခိုက်မှုရှိပြီး ၎င်းတို့ကပြန်ပစ်၍ (၉၃) နှစ်အရွယ် အဘွားအို ဒေါ်အုန်းခင်နှင့် (၄၉)နှစ်အရွယ် ဒေါ်ရွှေတို့ စိုးရိမ်ရသည့် ဒဏ်ရာများ ရရှိခဲ့ပြီး (၄၆)နှစ်အရွယ် ဒေါ်မိုးတင်မှာ မစိုးရိမ်ရ ဒဏ်ရာရရှိခဲ့ကြောင်း ဒေသခံများက ပြောသည်။
