မန္တလေးတိုင်း မိုးကုတ်မြို့နယ်အတွင်း TNLA နဲ့ ၂ ရက်ဆက်တိုက် တိုက်ပွဲပြင်းထန်ရာမှာ စစ်ကောင်စီတပ်ဟာ လေကြောင်းပစ်ကူပါသုံးခဲ့ရတယ်လို့သိရပါတယ်။
တိုက်ပွဲဟာ မိုးကုတ်မြို့နယ် အထက်ညောင်ကုန်းရွာအနီး အောက်တိုဘာလ ၂၀ ရက်နဲ့ ၂၁ ရက်တွေမှာဖြစ်ပွားတာပါ။
TNLA တပ်ဖွဲ့ဝင်တွေရှိရာဆီ စစ်ကောင်စီတပ်ရဲ့ အလယ်ပိုင်းစစ်ဌာနချုပ် လက်အောက်ခံ ခြေလျင်တပ်ရင်းအမှတ် ခလရ ၈၈ က တပ်တွေ ထိုးစစ်ဆင်လာချိန် တိုက်ပွဲဖြစ်တာလို့ TNLAက ထုတ်ပြန်ပါတယ်။
![မိုးကုတ်တိုက်ပွဲမှာ စစ်ကောင်စီတပ် ဗုံးကြဲ](https://i0.wp.com/www.ludunwayoo.com/wp-content/uploads/2023/10/392944806_667301265468669_6688453756232477843_n.jpg?resize=671%2C900&ssl=1)
ထိုးစစ်ဆင်လာတဲ့ စစ်ကောင်စီရဲ့ ခြေလျင်တပ်မှာ မွန်ပြည်နယ် ၊ကျိုက်ထိုမြို့အခြေစိုက် တပ်မ ၄၄ လက်အောက်ခံတပ်တွေလည်းပါတယ်လို့သိရပါတယ်။
အောက်တိုဘာ ၂၀ ရက်တိုက်ပွဲဟာ မနက် ၁၁ နာရီကနေ နေ့ခင်း ၂ နာရီအထိ ၃ နာရီနီးပါးကြား တိုက်ပွဲဖြစ်ခဲ့တာလို့ TNLA က ဆိုပါတယ်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
နောက်နေ့မှာတော့ တိုက်ပွဲဆက်ဖြစ်ရာမှာ စစ်ကောင်စီတပ်ဟာ လေကြောင်းပစ်ကူပါ သုံးလာတာလို့ TNLA ရဲ့စစ်ရေးဖော်ပြချက်အရသိရပါတယ်။
![မိုးကုတ်တိုက်ပွဲမှာ စစ်ကောင်စီတပ် ဗုံးကြဲ](https://i0.wp.com/www.ludunwayoo.com/wp-content/uploads/2023/10/392946057_667301245468671_4746281970151994495_n.jpg?resize=720%2C400&ssl=1)
၂ ရက်မြောက်နေ့တိုက်ပွဲ ညနေပိုင်းမှာ တိုက်လေယာဉ်နဲ့ ၂ စီးနဲ့ဗုံး ၈ လုံးကြဲရာမှာ အထက်ညောင်ကုန်းရွာက ဒေသခံ နေအိမ် ၁၀ လုံးထက်မနည်း မီးလောင်ပျက်စီးခဲ့ရတယ်လို့ TNLA ဘက်ကဆိုပါတယ်။
TNLA နဲ့ စစ်ကောင်စီတပ်ဟာ လက်ရှိ အောက်တိုဘာလ အတွင်း တိုက်ပွဲ ၁၅ ကြိမ်ဖြစ်ပွားထားပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)