စစ်ကိုင်းတိုင်း၊ မုံရွာ – မန္တလေးလမ်းပိုင်းအား ယနေ့ နံနက်ပိုင်းမှစတင်ကာ ယာယီပိတ်ထားကြောင်း ဒေသတွင်းတော်လှန်ရေးအင်အားစုများက ထုတ်ပြန်သည်။
ယနေ့(နိုဝင်ဘာလ ၃ ရက်) နံနက်ခင်းပိုင်းမှစတင်ကာ မုံရွာ – မန္တလေးလမ်းအား ယာယီအသုံးမပြုရန် ဒေသတွင်းတော်လှန်ရေးအင်အားစုများက
မေတ္တာရပ်ခံသည်။
တားမြစ်ချက်အား လိုက်နာခြင်းမရှိဘဲ အသုံးပြု သွားလာ၍ တစုံတရာဖြစ်ပါက လိုက်နာခြင်းမရှိသူ၏ တာဝန်သာဖြစ်ကြောင်း တော်လှန်ရေးအင်အားစုများက သတိပေးသည်။
မုံရွာ – မန္တလေးလမ်းနှင့် ရွှေဘို – မန္တလေးလမ်းပိုင်းများအား ည ၈နာရီမှ နံနက် ၅နာရီအတွင်း ဖြတ်သန်းသွားလာခြင်းမပြုကြရန်လည်း PDF များက သတိပေးထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
ထို့အပြင် လမ်းပြန်လည်အသုံးပြုနိုင်မည့်အချိန်ကို ထပ်မံအသိပေးမည်ဟု ဆိုသည်။
မုံရွာ – မန္တလေးလမ်းပိုင်းတွင် စစ်ကောင်စီယာဥ်များ ဖြတ်သန်းသွားလာသည့်အခါ ဒေသတွင်းတော်လှန်ရေးအဖွဲ့များက မိုင်းဆွဲတိုက်ခိုက်လေ့ရှိသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)