▪︎စစ်ကောင်စီလေကြောင်းမှပစ်၍ အရပ်သား သေဆုံးမှုရှိ၊ မြို့ပေါ်တိုက်ပွဲဆက်ဖြစ်နေ
ကောလင်းမြို့ပေါ်တိုက်ပွဲတွင် ရဲစခန်းနှင့် စစ်ကောင်စီ၏ထွေအုပ်ရုံးကို ယနေ့နံနက်တွင်PDFများကတိုက်ခိုက်သိမ်းပိုက်နိုင်ခဲ့ပြီး စစ်ကောင်စီဘက်မှ ၃၀ဦးထက်မနည်း သေဆုံးကာ ငါးဦးအား အရှင်ဖမ်းမိထားကြောင်း ပြည်သူ့ကာကွယ်ရေးတပ်ဖွဲ့များထံမှ သတင်းရရှိသည်။
“ကောင်းလင်းထဲက ရဲစခန်းနဲ့ ထွေအုပ်ကို သိမ်းပြီးပါပြီ။ လေးဘက်လေးတန် ဝင်တိုက်တာပါ။ခရိုင်ရင်း(၁)၊ ရင်း(၂)နဲ့ ပကဖတွေ တိုက်တာ။ လောလောဆယ် စခ ၃ဝ သေထားပါတယ်။ ငါးကောင် အရှင်ဖမ်းထားပါတယ်” ဟု ကောလင်းမြို့နယ်ပြည်သူ့ကာကွယ်ရေးတပ်ဖွဲ့မှ တပ်ဖွဲ့ဝင်တစ်ဦးကပြောသည်။
![(ကောလင်းမြို့တည်နေရာကိုGoogle Earth တွင်တွေ့ရစဥ်နှင့် ကောလင်းရဲစခန်းနှင့် စစ်ဘေးရှောင်ပြည်သူများ။ ဓါတ်ပုံ-Kaw Lin Info ၊ CJ)](https://i0.wp.com/www.ludunwayoo.com/wp-content/uploads/2023/11/398141562_673071254891670_199079986716091048_n.jpg?resize=810%2C1080&ssl=1)
တိုက်ပွဲအတွင်း ပြည်သူ့ကာကွယ်ရေးရဲဘော်တဦးကျဆုံးကာ တစ်ဦးသည်ဒဏ်ရာရထားကြောင်း သတင်းရရှိသည်။
ယနေ့ နေ့လယ်ပိုင်းတွင်စစ်ကောင်စီက ကောလင်းမြို့ပေါ် သို့ ဂျက်ဖိုက်တာနှင့်ရော ရဟတ်ယာဉ်ဖြင့်ပါ ပစ်ခတ်တိုက်ခိုက်ခဲ့ရာ မြို့မရပ်ကွက်ပေါ်ရှိ နေအိမ်တစ်လုံးပေါ်သို့ လက်နက်ကြီးကျရောက် ပေါက်ကွဲခဲ့ပြီး ယင်းအိမ်မှမိသားစု၀င်များ သေဆုံးသွားကြောင်း သတင်းရရှိသည်။ အသေးစိတ်ကို People’s Spring ကစုံစမ်းနေဆဲဖြစ်သည်။
ယနေ့ညနေ သုံးနာရီခွဲခန့်က သိရှိရသော သတင်းများအရ ကောလင်းမြို့ပေါ်မှ စစ်ကောင်စီ နေရာများအနီး တိုက်ပွဲများဆက်လက်ဖြစ်ပွားနေပြီး စစ်ကောင်စီကလည်း လေကြောင်းမှတိုက်ခိုက်နေကြောင်း သတင်းရရှိသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
![(ကောလင်းမြို့တည်နေရာကိုGoogle Earth တွင်တွေ့ရစဥ်နှင့် ကောလင်းရဲစခန်းနှင့် စစ်ဘေးရှောင်ပြည်သူများ။ ဓါတ်ပုံ-Kaw Lin Info ၊ CJ)](https://i0.wp.com/www.ludunwayoo.com/wp-content/uploads/2023/11/398145787_673071324891663_631453971212820357_n.jpg?resize=703%2C1080&ssl=1)
ကောလင်းမြို့အတွင်းပိတ်မိနေသောပြည်သူများအနေဖြင့်လက်ရှိအချိန်ထိ မိမိနေအိမ်အတွင်းသာနေထိုင်ရန်နှင့်မလိုအပ်ပါကအပြင်မထွက်ကြရန် တော်လှန်ရေးအင်အားစုများက မေတ္တာရပ်ခံထားသည်။
ဒဏ်ရာရပြည်သူများရှိပါက အရေးပေါ်အခြေအနေတွင် ဖုန်းနံပတ် 09955097339 ကသို့ ဆက်သွယ်အကူအညီတောင်းရန်Kawlin Revolution -IR က ထုတ်ပြန်အသိပေးထားသည်။
လိုအပ်ပါက မြို့နယ်ပြည်သူအုပ်ချုပ်ရေး၊မြို့နယ်ပြည်သူ့လုံခြုံရေး၊PDFနှင့်ပကဖတို့ပူးပေါင်းပြီး ပြည်သူများအား ဘေးကင်းရာသို့ ရွေ့ပေးနိုင်ရန်စီစဥ်နေကြောင်း လျှက်ရှိနေကြောင်းသတင်းကိုKawlin Revolution -IR က ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)