ရှမ်းပြည်နယ်မြောက်ပိုင်း နောင်ချိုမြို့နယ်ရှိ ဒိုပင်ရဲစခန်းကို စစ်ကောင်စီ လေကြောင်း တိုက်ခိုက်၍ ဖမ်းမိထားသည့် စစ်သုံ့ပန်း ၄ဦးသေဆုံးကာ အများအပြားဒဏ်ရာရရှိခဲ့ကြောင်း တအာင်းတပ်မတော်(TNLA)က သတင်းထုတ်ပြန်သည်။
စစ်ကောင်စီတပ်က ယမန်နေ့တွင် ရှမ်းမြောက်နေရာ အများအပြားသို့ လေကြောင်းတိုက်ခိုက်မှုများ လုပ်ဆောင်ခဲ့ရာ ည ၉နာရီခန့်တွင် ဒိုပင်ရဲစခန်းကို ပေါင် ၅၀၀ ဗုံးကြဲချတိုက်ခိုက်ခဲ့ခြင်းဖြစ်သည်။
![(နောင်ချိုမြို့နယ်ရှိ ဒိုပင်ရဲစခန်းကို စစ်ကောင်စီ လေကြောင်း တိုက်ခိုက်ပြီးနောက် တွေ့ရစဥ်။ ဓာတ်ပုံ - TNLA)](https://i0.wp.com/www.ludunwayoo.com/wp-content/uploads/2023/11/403791459_681583034040492_7314345924396340362_n.jpg?resize=880%2C660&ssl=1)
ဒိုပင်ရဲစခန်းသည် တအာင်းတပ်မတော် PSLF/TNLAနှင့် MDY PDF ပူးပေါင်းတပ်ဖွဲ့တို့ သိမ်းပိုက်ရရှိထားသည့် စခန်းဖြစ်ပြီး ယင်းရဲစခန်းတွင် ၁၀၂၇စစ်ဆင်ရေးအတွင်း ဖမ်းဆီးရမိခဲ့သော စစ်ကောင်စီ ဒလန်များနှင့် စစ်သုံးပန့်များကို ထိန်းသိမ်းထားခဲ့ခြင်းဖြစ်သည်ဟု အသိပေးသည်။
![(နောင်ချိုမြို့နယ်ရှိ ဒိုပင်ရဲစခန်းကို စစ်ကောင်စီ လေကြောင်း တိုက်ခိုက်ပြီးနောက် တွေ့ရစဥ်။ ဓာတ်ပုံ - TNLA)](https://i0.wp.com/www.ludunwayoo.com/wp-content/uploads/2023/11/403801751_681582877373841_6839397380919996696_n.jpg?resize=880%2C660&ssl=1)
စစ်ကောင်စီတပ်မှ ပစ်ခတ်လိုက်သော ပေါင်၅၀၀ဗုံးသည် ဒိုပင်ရဲစခန်းအပေါ်တည့်တည့်သို့ ကျရောက်ပေါက်ကွဲခဲ့ရာ ရဲစခန်းအတွင်း ထိန်းသိမ်းထားသော စစ်ကောင်စီ ဒလန်များနှင့် စစ်သုံးပန့်များ ကျည်ထိမှန်ပြီး လေးဦး သေဆုံးကာ ၁၀ဦး ဒဏ်ရာရခဲ့ကြောင်း TNLAက ထုတ်ပြန်သည်။
![(နောင်ချိုမြို့နယ်ရှိ ဒိုပင်ရဲစခန်းကို စစ်ကောင်စီ လေကြောင်း တိုက်ခိုက်ပြီးနောက် တွေ့ရစဥ်။ ဓာတ်ပုံ - TNLA)](https://i0.wp.com/www.ludunwayoo.com/wp-content/uploads/2023/11/404055896_681582964040499_6996648056259398708_n.jpg?resize=880%2C660&ssl=1)
ပူးပေါင်းတပ်ဖွဲ့မှ ရဲဘော်များ ထိခိုက်မှု ရှိ၊မရှိ အခြေအနေကို ထုတ်ပြန်ချက်၌ ဖော်ပြမထားပေ။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
နောင်ချိုမြို့နယ်တွင် TNLA၊ မန္တလေး PDF ပူးပေါင်းတပ်ဖွဲ့က ၁၀၂၇ စစ်ဆင်ရေး မစတင်မီ ကတည်းက စစ်ကောင်စီတပ်များကို တိုက်ခိုက်နေခြင်းဖြစ်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)