စစ်ကိုင်းတိုင်း၊ ခင်ဦးမြို့တွင် စစ်ကောင်စီ တပ်သားတစ်ဦး လက်နက်နှင့်အတူ အလင်းဝင်လာ၍ မြို့နယ်(ပကဖ)မှ ကျပ်သိန်း ၅၀ချီးမြှင့်ခဲ့သည်။
ပြီးခဲ့သည့် နိုဝင်ဘာ ၁၄ ရက်က ခင်ဦးမြို့ ပြည်သူ့ဆေးရုံတွင် တပ်စွဲထားသော လုပ်သက် ၁၇ နှစ်ရှိ စစ်ကောင်စီ တပ်သားတစ်ဦးသည် ခင်ဦးမြို့နယ် ပကဖနှင့် ဆက်သွယ် ချိတ်ဆက်ပြီး အလင်းဝင်လာခဲ့သည်။
၎င်းနှင့်အတူ MA1 အမျိုးအစား သေနက် ၁ လက်၊ ကျည်ဘောက် ၃ခုနှင့် 5.56 ကျည် ၂၃၆ တောင့်တို့ အပ်နှံခဲ့၍ ယနေ့ (နိုဝင်ဘ၂၀ ရက်)တွင် မြို့နယ်(ပကဖ) က ကျပ်သိန်း ၅၀ ချီးမြှင့်ခဲ့ကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့က ပြောသည်။
“သူက မြို့ပေါ် Mission(စစ်ဆင်ရေး)တွေမတိုင်မီ ၃ လလောက်အလိုကတည်းက ကြိုချိတ်ထားတာပါ။ မြို့ပေါ် Missionတွေမှာလည်း သူ့ရဲ့ပါဝင်ဆောင်ရွက်မှုတွေပါတယ်။”ဟု ခင်ဦးမြို့နယ်သတင်းမှန်ပြန်ကြားရေးအဖွဲ့၏ တာဝန်ခံက ပြောသည်။
အမျိုးသားညီညွတ်ရေးအစိုးရ(NUG)နှင့် ဒေသအသီးသီးရှိ NUG၏ လက်အောက်ခံတပ်ရင်းတပ်ဖွဲ့များကလည်း စစ်ကောင်စီတပ်ဖွဲ့ဝင်များ ပြည်သူ့ရင်ခွင် အမြန်ဆုံးခိုဝင်ကြရန် တိုက်တွန်းထားသည်။
Public Service Announcement
ရှမ်းပြည်နယ်မြောက်ပိုင်း၌ ၁၀၂၇ စစ်ဆင်ရေးစတင်ပြီးနောက်ပိုင်း ခင်ဦးမြို့နယ် ရေဦး-ခင်ဦး ကားလမ်းဘေးရှိ စစ်ကောင်စီတပ်အထိုင်ချ စခန်းများဖြစ်သော မူးတိမ်ချောင်းတံတား၊ ရွာသစ်ကုန်းပျူရွာနှင့် အင်းပတ်ကွေ့ဈေးတန်း စခန်းများသည် နိုဝင်ဘာပထမပတ်အတွင်းက ရေဦးမြို့ပေါ်သို့ တပ်ဆုတ်သွားခဲ့သည်။
