ရခိုင်ပြည်နယ်၊ အမ်းမြို့နယ်၊ တပ်တောင်မြို့တွင် စစ်ကောင်စီတပ် ထောင်ထားသည့် မိုင်းနင်းမိပြီး ကလေးငယ်သေဆုံးပြီး မိခင်မှာ ဒဏ်ရာအပြင်းအထန်ရရှိခဲ့သည်။
အဆိုပါဖြစ်စဉ်သည် တပ်တောင်မြို့၊ ပဒေါက်ချောင်ကျေးရွာတွင် ယနေ့ (နိုဝင်ဘာ ၂၈ ရက်)နံနက်က ဖြစ်ပွားခဲ့ခြင်းဟု ဒေသခံများကပြောသည်။
“စစ်တပ်က သူ့တို့ကို လာတိုက်မှာစိုးလို့ သူတို့စခန်း ဝန်းကျင်မှာ မိုင်းတွေ ထောင်ထားတာ။ သားအမိနှစ်ယောက်က အုတ်ကွင်း( အုတ်ဖုတ်လုပ်ငန်း)ကို သွားတာ။ လမ်းမှာ မိုင်းထိတာ”ဟု ဒေသခံတစ်ဦးက ပြောသည်။
သေဆုံးသွားသူမှာ (၄)တန်းကျောင်းသား မောင်ဇွဲနိုင်ထွန်းဆိုသူဖြစ်ပြီး ဒဏ်ရာရရှိခဲ့သည့် မိခင်ဖြစ်သူသည် တပ်တောင်ဆေးရုံ၌ ကုသမှုခံယူနေရကြောင်း သိရသည်။
ရခိုင်ပြည်နယ်ရှိ စစ်ကောင်စီတပ်ဖွဲ့ဝင်များ လက်နက်ချအလင်းဝင်ရန် ရက္ခိုင့်တပ်တော်(AA)က သတိပေးထားပြီး အလင်းမဝင်ပါက တိုက်ခိုက်သွားမည်ဟု ထုတ်ပြန်ထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
စစ်ကောင်စီက ၎င်းတို့၏ စစ်ခန်းများကိုကာကွယ်ရန် စခန်းဝန်းကျင် နေရာများ၌ မြေမြုပ်မိုင်းများ ထောင်ထားသည်ဟု ရခိုင်လူမှုအဖွဲ့အစည်းအချို့က သတိပေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)