ကိုယ်ပိုင်ဒီဇိုင်းအသစ် ရေးဆွဲထုတ်လုပ်ထားသည့် ဒရုန်းများဖြင့်တိုက်ပွဲဝင်နေဟုဆို
ဟန်နွေ/People’s Spring
စစ်ကောင်စီထံမှ သိမ်းပိုက်ရရှိသည့် ဗုံးသီးများကို အသုံးပြုကာ ပြန်လည်တိုက်ပွဲဝင်မည်ဖြစ်ကြောင်း ကရင်အမျိုးသားအစည်းအရုံး (KNU) ဦးဆောင်သည့် တော်လှန်ရေးပူးပေါင်းတပ်များနှင့်အတူ တိုက်ပွဲဝင်နေသည့် Federal Wings ဒရုန်းတပ်ဖွဲ့က အသိပေးထုတ်ပြန်သည်။
Public Service Announcement
သင်္ဃန်းညီနောင်ရှိ စစ်ကောင်စီတပ်ရင်းများ အပါအဝင် ဗျူဟာတစ်ခုလုံးကို သိမ်းပိုက်ပြီး လက်နက်ခဲယမ်းများစွာ သိမ်းပိုက်ရရှိပြီးနောက် ယခုကဲ့သို့ အသိပေး လာခြင်းဖြစ်သည်။
” စကစဒရုန်းတွေနဲ့ စကစအသီးအနှံတွေကိုသုံးပြီး စကစကုန်းတွေကိုပြန်ဝုန်းရမှာဘယ်လောက် ပျော်စရာကောင်းသလဲ ညီနောင်ရောင်းရင်းတို့ရေ။ ငါးကြင်းဆီနဲ့ ငါးကြင်းကြော်ပြီးရင် တာလဘောဟင်းနဲ့ ကြိတ်လို့ကောင်းပြီ” ဟု ဒရုန်းတပ်ဖွဲ့က အသိပေးသည်။
ထို့ပြင် Federal Wings၏ ကိုယ်ပိုင်ဒီဇိုင်းအသစ်ဖြင့် ဒရုန်းများ အောင်မြင်စွာ တိုက်ပွဲဝင်နေပြီဖြစ်ကြောင်းလည်း အသိပေး ထုတ်ပြန်သည်။
” တိုက်ပွဲအတွေ့အကြုံတွေ မြေပြင် လိုအပ်ချက် တွေနဲ့ ပြုလွယ်ပြင်လွယ်မှုတွေကိုပေါင်းစပ်ပြီး လိုအပ်ချက်နဲ့ အကိုက်ညီဆုံးဖြစ်မဲ့အနေအထားကို FW R&D အဖွဲ့တွေက ကိုယ်တိုင်ဒီဇိုင်းရေးဆွဲပြီး ထုတ်လုပ်ထားခြင်းဖြစ်ပါတယ်။ ယခုကိုယ်ပိုင်ဒီဇိုင်းသစ်ဟာ တည်ဆောက်မှုပုံစံရိုးရှင်းပြီး တပ်ဆင်ရမြန်ဆန်လွယ်ကူတဲ့အပြင် ပါဝင်တဲ့အစိတ်အပိုင်းတွေနည်းပါးသွားတာကြောင့် ယခင်ကိုယ်ထည်များထက် ၂၅ရာခိုင်နှုန်းခန့် ပိုမိုပေါ့ပါးပါတယ်”ဟုလည်း Federal Wings က ဖော်ပြသည်။
Public Service Announcement
လမ်းပန်း ဆက်သွယ်ရေးခက်ခဲ့သည့် ဒေသများ၌ ကျောပိုး သယ်ဆောင်နိုင်ရေး ဒီဇိုင်းထုတ်ထားကြောင်းလည်း အသိပေးသည်။
” ယခင်ကတော့ FW ဟာ စိုက်ပျိုးရေးသုံးဒရုန်းကိုယ်ထည်တွေကို မှာယူပြီး တိုက်ပွဲမှာအသုံးပြုဖို့ ထပ်ပိုးပြင်ဆင်ခဲ့ကြပါတယ်။ ဒီလိုထပ်ပိုးပြင်ဆင်ရာမှာ မလိုအပ်တဲ့ထပ်တိုးအလေးချိန်ဘတွေ များပြားခဲ့ရပြီး ဒရုန်းတစ်စင်းဆီကရသင့်တဲ့စွမ်းရည်ကို အပြည့်အဝအသုံးမချနိုင် ဖြစ်ခဲ့ကြပါတယ်။ယခု ကိုယ်ပိုင်ဒီဇိုင်းအသစ်မှာ အဲ့ဒီအားနည်းချက်တွေအကုန်လုံးကို ပြင်ဆင်လိုက်နိုင်ပါပြီ။FW ဒရုန်းတွေရဲ့ ဆင့်ကဲ့တိုးတက်လာမှုတွေကို ပုံတွေမှာ ပြထားပေးပါတယ်”ဟုလည်း Federal Wings က ထုတ်ပြန်သည်။
တိုက်ပွဲများ ဆက်တိုက်ဆင်နွှဲလျက်ရှိရာ ဒီဇိုင်းအသစ်ဒရုန်းတစ်စင်းပျက်ကျပြီး စစ်ကောင်စီလက်ထဲရောက်ရှိပြီးဖြစ်၍ ဒရုန်းနှင့်ပတ်သက်ပြီး လျှို့ဝှက်အဆင့်အတန်းမှ လျှော့ချကာ ယခုကဲ့သို့ သတင်းထုတ်ပြန်ခဲ့ခြင်းဖြစ်ကြောင်းလည်း ဖော်ပြသည်။
