သြဂုတ် ၅၊၂၀၂၅။ သုည/People’s Spring
အမေရိကန်နိုင်ငံရောက် မြန်မာများက မကြာခင်ရောက်လာတော့မည့် (၃၇)နှစ်မြောက် ရှစ်လေးလုံး အထိမ်းအမှတ် အကြိုလှုပ်ရှားမှုအနေဖြင့် ကမ္ဘာလုံးဆိုင်ရာ ရှစ်လေးလုံး ထီးသပိတ်ကိုပြုလုပ်ခဲ့သည်။
အမေရိကန်နိုင်ငံ TEXAS ပြည်နယ် DALLAS မြို့ရှိ တံတားတစ်ခုပေါ်တွင် ပြည်ပရောက်မြန်မာနိုင်ငံသားများ စုပေါင်းကာ (၈) သင်္ကေတရိုက်နှပ်ထားသည့် ထီးများ ကိုင်ဆောင်ပြီး ကမ္ဘာလုံးဆိုင်ရာ ရှစ်လေးလုံး ထီးသပိတ်ကို ပါဝင်ခဲ့ကြခြင်းဖြစ်ကြောင်း ရန်ကုန်လူထုသပိတ်က သြဂုတ် ၅ ရက်တွင်ဖော်ပြသည်။
သြဂုတ် ၃ ရက်နှင့် ၄ ရက် ယူအေအီး၊ တောင်ကိုရီးယားနှင့် သြစတြေးလျနိုင်ငံတို့တွင်လည်း မြန်မာနိုင်ငံသားများက ကမ္ဘာလုံးဆိုင်ရာ ရှစ်လေးလုံး ထီးသပိတ်အကြို လှုပ်ရှားမှုအဖြစ် (၈) သင်္ကေတရိုက်နှပ်ထားသည့် ထီးများကိုင်ဆောင်ပြီး ဆန္ဒထုတ်ဖော်ခဲ့သည်။
Public Service Announcement
(၃၇)နှစ်မြောက် ရှစ်လေးလုံးအထိမ်းအမှတ် အဖြစ် ကမ္ဘာလုံးဆိုင်ရာ ရှစ်လေးလုံးထီးသပိတ် လှုပ်ရှားမှုပြုလုပ်ကြရန် ရန်ကုန်လူထုသပိတ်က တိုက်တွန်းထားသည်။
ရန်ကုန် လူထုသပိတ်အနေဖြင့်ရှစ်လေးလုံးအထိမ်းအမှတ် ၈သင်္ကေတရိုက်နှိပ်ထားသည့် ထီးများကို ရောင်းချထားသောကြောင့် ကမ္ဘာ့နိုင်ငံအသီးသီးမှ အဆိုပါထီးများအပါအဝင် ၈ဂဏန်းနှင့် သက်ဆိုင်သည့်အရာများဖြင့် သပိတ်လှုပ်ရှားမှုပြုလုပ်ရန် ဩဂုတ် ၁ရက်တွင်နှိုးဆော်ထားသည်။
ရုပ်သံ – ရန်ကုန်လူထုသပိတ်
