သြဂုတ်-၆၊၂၀၂၅။ ကျော်ဇော/People’s Spring
မကွေးတိုင်းနဲ့ ရခိုင်ပြည်နယ်အစပ်မှာရှိတဲ့ စစ်ကောင်စီရဲ့ နတ်ရေကန်ဗျူဟာမှာရှိတဲ့ စစ်အရာရှိတွေက လက်ပစ်ဗုံးတွေကို (၂၄)ပစ္စည်းဘုရားစာပုံတွေကပ်ခိုင်းသလို သေနတ်နဲ့ လက် နက်ကြီးတွေမှာ ထမီစချည်ပြီး ပစ်ခတ်ခိုင်းတယ်လို့ အဲဒီဗျူဟာကနေ ထွက် ပြေးလွတ်မြောက်လာတဲ့ တပ်သားသစ် နေသူရမျိုးက ထုတ်ဖော်ပြောဆိုလိုက်ပါတယ်။
ရန်ကုန်မြို့မှာ အလုပ်လုပ်နေရင်း သူငယ်ချင်းဖြစ်သူရဲ့ ရောင်းစားခံရလို့ စစ်ကောင်စီရဲ့ စစ်မှု ထမ်းသင်တန်းကို တက်ရောက်ပြီး နတ်ရေကန်ဗျူဟာမှာ တာဝန်ချထားခံရစဥ် ပြီခဲ့တဲ့လဇူလိုင် ၂၇ ရက်မှာအာရက္ခတပ်တော် (AA) ထံ ထွက်ပြေးခုံလှုံလာတဲ့ တပ်သား သစ်နေမျိုးသူရက ၎င်းရဲ့တပ်တွင်းအတွေ့အ ကြုံတွေကို AA တပ်ဖွဲ့က မေးမြန်းရာမှာ ထုတ်ဖော်ပြောကြားလာတာပါ။
“ကျနော်တို့ အထက်အရာရှိပြောတာတော့ AA က အောက်လမ်းနည်းနဲ့ တိုက်ခိုက်တာလို့ ပြောတယ်ဗျ။ ကျနော်တို့ဘက်က ကျသွားတဲ့ ရဲဘော်ဆိုလို့ရှိရင် AA ဘက်ကနေ အသားစိမ်း၊ငါးစိမ်း ကျွေးပြီးတော့မှ ကျနော်တို့ကို ပြန်တိုက်ခိုက်တာလို့ ပြောတယ်ဗျ။ အဲဒါကြောင့် ကျနော်တို့ကိုင်နေတဲ့ လက်
Public Service Announcement
ပစ်ဗုံးတွေမှာ ဘုရားစာပုံမှန် ကပ်လေ့ရှိတယ်ဗျ။ နောက်ပြီးတော့ ကျနော်တို့ပစ်တဲ့သေနတ်တွေမှာ ထမီစချည်ရတယ်။ လက်နက် ကြီးမှာလည်း ထမီစချည်ပြီးတော့ ပစ်လေ့ရှိတယ်ဗျ”လို့ တပ်သားသစ် နေမျိုးသူရက ပြောပါတယ်။
ဒါ့အပြင် တိုက်ပွဲနဲ့ရင်ဆိုင်လိုခြင်းမရှိတဲ့ စစ်မှု ထမ်းတပ်သားသစ်တွေကို တာဝန်ကျတပ်မမှူးရဲ့အမိန့်နဲ့ ပစ်သတ်တာ ၎င်းရဲ့မျက်မြင် သုံးဦးရှိခဲ့တယ်လို့ဆိုပါတယ်။ ထွက်ပြေးဖို့ကြိုးစားတဲ့တပ်သားတွေဆိုရင်လည်း လက်နောက်ပြန်ကြိုးတုပ်ကာ ရန်သူ့ပစ် ကွင်း၌ ကြိုးနဲ့တုပ်ထားသလို ထမင်းမ ကျွေးရေမတိုက်ဘဲ အသေနှိပ်စက်တယ်လို့လည်း အဲဒီတပ်သားသစ်က သူ့အတွေ့အကြုံကို ပြောပါတယ်။
သူ့လိုပဲအကြောင်းအမျိုးမျိုးနဲ့စစ်မှုထမ်းသင်တန်းတက်ရောက်ပြီး ရှေ့တန်းပို့ခံရသူအများစုဟာ ရင်ဆိုင်တိုက်ပွဲတွေကို ရှောင်ရှားလိုတာကြောင့် မိမိရဲ့ ခြေလက်အဂ်ါတွေကို ကိုယ်တိုင်သေနတ်နဲ့ပစ်ပြီး ထိခိုက်ဒဏ်ရာရအောင်လုပ်တာ၊ လက်ပစ်ဗုံးအသုံးပြု ဖောက်ခွဲတိုက်ခိုက်၍ မိမိကိုယ်ကိုဒဏ်ရာရအောင်လုပ်တာတွေလည်း ရှိနေတယ်လို့ ထွက်ပြေးလွတ်မြောက်လာတဲ့ တပ်သားသစ် နေမျိုးသူရ ပြောပါတယ်။
“ကျနော့်မျက်မြင်ကိုယ်တွေ့ဆိုလို့ရှိရင်ပစ(ပြည်သူ့စစ်မှုထမ်း)တင် ခုနစ်ယောက်ရှိတယ်ဗျ။ အဲလိုဆိုလို့ရှိရင် သူတို့ကို ဖမ်းတယ်ဗျ။ ဖမ်းပြီးတော့ ကမ္ဘာလုံးထဲ(ဗျူဟာကုန်းတစ်နေရာ)က ခြောက်ပေါက်ထဲ ထည့်တယ်။ ပြီးလို့ရှိရင် ထမင်းလည်းမကျွေးဘူး၊ ရေလည်းမတိုက်ဘူး၊ ထားထားတယ်အဲအတိုင်း”လို့ သူက ရှင်းပြပါတယ်။
မကွေးနဲ့ ရခိုင်အစပ်က နတ်ရေကန်ဗျူဟာ နှစ်ဘက်တိုက်ပွဲတွေမှာ AA ဘက်ကပစ်ခတ်တဲ့ စနိုက်ဘာကျည်ထိမှန်ပြီး တိုက်ပွဲမှာသေဆုံးတဲ့သူဦးရေဟာ ပြီးခဲ့တဲ့ မေလထဲမှာတင် ၂၀ ဦးထိမှန်ရာမှာ ၁၅ ဦးသေဆုံးခဲ့တယ်လို့ ကိုယ်တွေကြုံခဲ့ရတဲ့အခြေအနေကို တပ်သားသစ် နေမျိုးသူရက ဆက်ပြောပါတယ်။
စနိုက်ဘာထိလို့ သေဆုံးတဲ့သူတွေထဲမှာ ခမရ-၁၅ မှ တပ်ရင်းမှူးတစ်ဦးလည်းပါဝင်ပြီး ကင်းစစ်တဲ့အချိန် AA ဘက်ကပစ်ခတ်တဲ့ စနိုက်ဘာကျည် ရင်ဘတ်ကိုဖောက်ဝင်က နောက်ကျောဘက်ကပြန်ထွက်သွားခဲ့တယ်လို့ ဆိုပါတယ်။
အဲဒီအပြင် ပြီးခဲ့တဲ့ ဇူလိုင်လတုန်းကလည်း ခလရ-၁၄ မှ ဗိုလ်မှူးတစ်ဦး မျက်နှာသစ်နေတဲ့အချိန် AA ပစ်ခတ်တဲ့ ပွိုင့်ဖိုက်ကျည်ထိမှန်လို့ ဦးခေါင်းထိမှန်ပြီး ပြတ်ထွက်သွားတဲ့အ ကြောင်း အာရက္ခတပ်တော် AA နဲ့ အင်တာဗျူးမေးမြန်းခန်းမှာ စစ်တပ်လက်အောက်ကနေ ထွက်ပြေးလွတ်မြောက်လာတဲ့ ကိုနေမျိုးသူရက ပြောဆိုထားပါတယ်။
စစ်ကောင်စီတပ်ဘက်က တိုက်ခိုက်ရေးသုံး စစ်လက်နက်ပစ္စည်းတွေဖြစ်တဲ့လက်ပစ်ဗုံး၊ လက်နက်ကြီးထိပ်ဖူး၊ လက်နက်မျိုးစုံအပါ အ ဝင် ပျက်ကျစစ်သုံးရဟတ်ယာဥ်နဲ့ တိုက်လေယာဥ် အစိတ်အပိုင်းတွေနဲ့ လေယာဥ်မှူးတွေရဲ့ ဟဲမက်ဦးထုပ်တွေမှာပါ ဘုရားစာတွေ၊ ဂါထာမာန်ဒဏ်တွေ ကပ်နှိပ်အသုံးပြုနေတာကို တော်လှန် ရေးတပ်ဖွဲ့တွေထုပ်ပြန်တဲ့ သိမ်းဆည်းရရှိပစ္စည်းတွေမှာ တွေ့ရှိရတာလည်း ရှိပါတယ်။
