close
Connect with us

Hi, what are you looking for?

သတင်း

လောင်းလုံးမြို့မှာ တိုက်ပွဲမရှိဘဲစစ်တပ်က လက်နက်ကြီးတွေနဲ့ပစ်နေလို့ မြို့ခံတွေထိတ်လန့်နေ

ထားဝယ်ခရိုင်၊လောင်းလုံးမြို့ပေါ်မှာတိုက်ပွဲဖြစ်ပွားခြင်းမရှိဘဲစစ်ကောင်စီတပ်က လက်နက်ကြီးတွေနဲ့ ရမ်းသမ်းပစ်ခတ်နေလို့နေအိမ်အချို့ထိခိုက်ပျက်စီးပြီး မြို့နေပြည်သူတွေ စိုးရိမ်ထိတ်လန့်နေကြတယ်လို့ ဒေသခံတွေကပြောပါတယ်။

လောင်းလုံးမြို့ပေါ် မှာတွေ့ရတဲ့ စစ်​​ကောင်စီရဲတပ်ဖွဲ့ဝင်အချို့။ဓါတ်ပုံ-စစ်​ကောင်စီ/ပုံဟောင်း

သြဂုတ် – ၇၊ ၂၀၂၅။ ကျော်ဇော/People’s Spring

ထားဝယ်ခရိုင်၊လောင်းလုံးမြို့ပေါ်မှာတိုက်ပွဲဖြစ်ပွားခြင်းမရှိဘဲစစ်ကောင်စီတပ်က လက်နက်ကြီးတွေနဲ့ ရမ်းသမ်းပစ်ခတ်နေလို့နေအိမ်အချို့ထိခိုက်ပျက်စီးပြီး မြို့နေပြည်သူတွေ စိုးရိမ်ထိတ်လန့်နေကြတယ်လို့ ဒေသခံတွေကပြောပါတယ်။

သြဂုတ် ၇ ရက်နေ့ညနေပိုင်းမှာ လောင်းလုံးမြို့မရဲစခန်းမှာရှိနေတဲ့ စစ်ကောင်စီတပ်ဖွဲ့ဝင်တွေက (ဃ)ရပ်ကွက်၊ အထက (၁)လမ်းဘက်ကို လက်နက်ကြီး (၃)လုံးပစ်ခတ်ခဲ့တာကြောင့် နေအိမ်နှစ်လုံးထိခိုက်ပျက်စီးသွားတယ်လို့​ဒေသခံအချို့က ပြောပါတယ်။

“အခုဆိုညကလည်းထား၀ယ်ကနေလောင်းလုံးဘက််ကို အကြောင်းမဲ့လက်နက်ကြီးပစ်နေတာရှိတယ်။ အခုလည်း ပစ်နေတယ်ဗျ။ လောင်းလုံးမြို့ပေါ် နေအိမ်နှစ်ဆောင် ထိခိုက်ပျက်စီးသွားတယ်။ လူထိခိုက်မှုတော့ မရှိဘူး”လို့ လောင်းလုံးမြို့နယ် ပကဖ မှတာဝန်ရှိသူတစ်ဦးက People’s Spring ကို ပြောပါတယ်။

Public Service Announcement

Public Service Announcement

ဒါ့အပြင်ထားဝယ်မြို့၊အ​ကောက်ခွန်ဆိပ်မှာတပ်စွဲထားတဲ့စစ်ကောင်စီရဲ့ကမ်းရိုးတန်းဒေသတိုင်းစစ်ဌာနချုပ်လက်အောက်ခံ ခလရ(၂၅)မှ တပ် သားများကလည်း လောင်းလုံးမြို့ဘက်သို့ဦးတည်၍ လက်နက်ကြီးပစ်ခတ်တာတွေ လုပ်နေတယ်လို့ ပကဖ တာဝန်ရှိသူက ဆက်ပြောပါတယ်။

အခုလိုစစ်တပ်တွေကလက်နက်ကြီးပစ်ခတ်တာတွေလုပ်ဆောင်နေတဲ့တချိန်တည်းမှာလောင်းလုံးမြို့ပေါ်မှာရှိတဲ့လူငယ်တွေဟာပေါ်တာဆွဲဖမ်းဆီးခံရမှာကိုစိုးရိမ်ပြီး မြို့ပေါ်ကနေဘေးလွတ်ရာထွက်ပြေးနေကြတယ်လို့ စုံစမ်းသိရပါတယ်။

“ပြေးနေကြတယ်ဗျ။လောင်းလုံးမြို့ပေါ်လူငယ်တွေလက်နက်ကြီးပစ်ပြီးတာနဲ့ပေါ်တာဆွဲမှာကြောက်လို့ပြေးကုန်ကြပြီ”လို့ဒီကနေ့(သြဂုတ် ၇ ရက်)ညပိုင်းအခြေအနေကို ဒေသခံတဦးက ပြောပါတယ်။

လောင်းလုံးမြို့ပေါ်မှာ ရပ်ကွက် (၄)ခုရှိတဲ့အနက် ရပ်ကွက်အသီးသီးမှာရှိတဲ့လူငယ်အများစုဟာစစ်ကောင်စီတပ်ရဲ့ ရန်ကိုကြောက်ပြီး တစ်မြို့လုံးနီးပါး ထွက်ပြေးတိမ်းရှောင်နေရတယ်လို့ အဲဒီဒေသခံက ဆက်ပြောပါတယ်။

လတ်တလော လူထုကြားမှာပြန့်နှံ့နေတဲ့သတင်းတွေအရ စစ်တပ်ဟာ စစ်မှုထမ်းသင် တန်းအတွက် ထားဝယ်ခရိုင်ကနေ သင်တန်းသား ၃၀၀ ဦးခန့် တပ်သားသစ်စုစောင်းဖို့ရှိနေတယ်လို့ ပြောဆိုနေကြသလို အခုရက်ပိုင်း ထားဝယ်မြို့ပေါ်မှာလည်း မြို့အဝင်အထွက်တွေကို ပိတ်ဆို့၍ ပေါ်တာဆွဲဖမ်းဆီးတာတွေ ဆက် တိုက်လုပ်နေပါတယ်။

ဆက်စပ်သတင်းများ

သတင်း

ကရင်အမျိုးသားအစည်းအရုံး(KNU)ညောင်လေးပင်ခရိုင် တပ်မဟာ(၃) နယ်မြေ ကျောက်ကြီး(လယ်ဒို)မြို့နယ်သို့ အာဏာသိမ်းစစ်ကောင်စီက ဒရုန်း၊လက်နက်ကြီးများဖြင့်ဆက်လက်ပစ်ခတ်တိုက်ခိုက်ခဲ့၍ထိခိုက်ပျက်စီးမှုအချို့ရှိသည်ဟု KNU ဗဟိုက သတင်းထုတ်ပြန်သည်။

သတင်း

အကျဉ်းထောင်တွေမှာ ကျန်းမာရေးစောင့်ရှောက်မှုငြင်းပယ်ခံရလို့ သေဆုံးမှုတွေ မြင့်တက်လာတာဟာ စိုးရိမ်ရတဲ့အခြေအနေဖြစ်နေပြီး စစ်ကောင်စီအနေနဲ့အဲဒီလုပ်ရပ်တွေကိုချက်ချင်းရပ်တန့်ဖို့ အဖွဲ့ ၁၁ ဖွဲ့က တောင်းဆိုလိုက်ပါတယ်။

အတွေးအမြင်

ဒီပ/People’s Spring ‘မိတ်​​ဆွေများနှင့် တွေ့ဆုံပွဲ’လို့အမည်တပ်ထားတဲ့စစ်တပ်ပါတီ ကြံ့ဖွံ့ နဲ့ စစ်တပ်​ထောက်ခံတဲ့ အနုပညာရှင်​တွေ ​တွေ့ဆုံပွဲမှာ တက်​ရောက်သူ​တွေအများကြီးထဲမှာ တစ်​ယောက်ရဲ့အမည်ကို​တော့ သင့် စိတ်ထဲစွဲ​နေ​အောင်မှတ်ထားဖို့ အကြံပြုပါတယ် ။ ဒါရိုက်တာ​ကျော်​​ဇောလင်း (အ​တွေးပုံရိပ်)ပါ ။တက်​ရောက်တဲ့ စစ်တပ်​ထောက်ခံတဲ့အနုပညာရှင် အားလုံးထဲမှာ ဒါရိုက်တာ​ကျော်​ဇောလင်းက အခရာအကျဆုံးပါ ။ စစ်သား​တွေက...

သတင်း

နတ်ရေကန်ဗျူဟာတိုက်ပွဲမှာ ခမရ(၁၅)တပ်ရင်းမှူးနဲ့ ခလရ(၁၄) မှ ဗိုလ်မှူးတို့​သေဆုံးခဲ့ဟုဆို