သြဂုတ်-၈၊၂၀၂၅။ဇေအောင်/People’s Spring
စစ်ဗိုလ်နဲ့ ရန်ဖြစ်လို့ အဖမ်းခံလိုက်ရတဲ့ မိတ္ထီလာကပျူစောထီးခေါင်းဆောင်ဒီကနေ့ညပြန်လွတ်လာတယ်လို့သတင်းရရှိပါတယ်။
ပြီးခဲ့တဲ့ မေလ(၁၅)ရက်နေ့က မိတ္ထီလာမြို့အဝင် တိုးဂိတ်မှာစစ်တပ်လက်အောက်ခံပျူခေါင်းဆောင် ဇော်ယုထွန်းကို စစ်တပ်က လာရောက်ဖမ်းဆီးသွားခဲ့တာပါ။ နှစ်လခွဲခန့်အကြာ သြဂုတ် (၈)ရက်ညပိုင်းမှာတော့ သူလွတ်မြောက်လာကြောင်း ဒေသခံတချို့က ပြောပါတယ်။
“Confirm ပါ ကိုယ်တိုင်ကြိုလာတာပါ”လို့ ဇော်ယုထွန်း မိတ်ဆွေတစ်ဦးက လူမှုကွန်ရက်မှာ ရေးသားထားပါတယ်။ ဇော်ယုထွန်း လွတ်မြောက်လာမှုကို ပျူစောထီးနဲ့ မဘသအဖွဲ့ဝင်တွေက ဝမ်းမြောက်ကြောင်း လူမှုကွန်ရက်မှာ ရေးသားနေကြပါတယ်။
Public Service Announcement
စစ်မှုထမ်းဟောင်းတစ်ယောက်ဖြစ်တဲ့ ပျူခေါင်းဆောင် ဇော်ယုထွန်းဟာသူ့ Facebook မှာ စစ်မှုထမ်းငွေကြေးကောက်ခံတဲ့ကိစ္စကို ဝေဖန်ရေးသားလို့ နိုင်ငံတော်တည်ငြိမ်မှုကို ပျက်ပြားအောင် ဝါဒဖြန့်တယ်ဆိုပြီး စစ်တပ်က အရေးယူခဲ့တာပါ။
ဒါပေမဲ့ ဇော်ယုထွန်းဟာ မိတ္ထီလာတိုးဂိတ်မှာပဲ မလှိုင်မြို့နယ်က ဗိုလ်မှူးတယောက်မောင်းလာတဲ့ကားကို မှန်ချခိုင်းရာကနေ စကားများပြီး အခုလိုဖမ်းဆီးခံရတာလို့ သူ့အသိုင်းအဝိုင်းက ရုပ်သံမှတ်တမ်းတွေ ဖြန့်ဝေခဲ့ပါတယ်။ ရုပ်သံဖိုင်ထဲမှာ ဗိုလ်မှူးဆိုသူက ဇော်ယုထွန်းနဲ့ပျူအဖွဲ့ကို လက်
နက်နဲ့ကော လက်ပစ်ဗုံးပါ ဖောက်ခွဲပစ်မယ်လို့ အကြိမ်ကြိမ်ခြိမ်းခြောက်ခဲ့ပါသေးတယ်။ ဇော်ယုထွန်းပြန်လည်လွတ်မြောက်ဖို့ ပျူစောထီးတွေ ကြိုးစားပေးခဲ့ကြတယ်လို့ ဆိုပါတယ်။
မိတ္ထီလာမြို့ဟာပျူစောထီးအင်အား အားကောင်းပြီး တော်လှန်ရေးအင်အားစုတွေကိုဖမ်းဆီးတာ၊ ပြည်သူတွေကို ဖမ်းဆီးနှိပ်စက်ငွေညှစ်တာတွေ ပြုလုပ်နေကြောင်း မြို့ခံတွေက ပြောပါတယ်။
