ဒီဇင်ဘာ-၂၃၊၂၀၂၅၊ရှိန်း/ People’s Spring
မန္တလေးမြို့၊စိန်ပန်းရပ်ကွက်မှာ စစ်တပ်က ကား၃စီးနဲ့ ပေါ်တာဆွဲနေတာကြောင့် ညနေ ၅နာရီခွဲဆို ဈေးဆိုင်တွေပါ စောပိတ်နေရတယ်လို့ ဒေသခံတွေက ပြောပါတယ်။
မဟာအောင်မြေမြို့နယ်၊ပျူစောထီးခေါင်းဆောင်အပါအဝင် စစ်အုပ်စုက ဒီဇင်ဘာ ၁၉ရက် ညနေ၆နာရီမှာ စစ်ကား၃စီးနဲ့ လမ်း၉၀၊၃၄လမ်းပတ်ဝန်းကျင်ကို ပေါ်တာဆွဲခဲ့တာလို့ သိရပါတယ်။
“ လမ်းပေါ်မှာ ညနေ၆နာရီဆို လူကိုမရှိတော့ဘူး။ဆဲဆိုပြီး တွေ့သမျှအကုန်ဆွဲတာ။မိန်းကလေးတော့မပါဘူ။ယောကျာ်း လေးပဲ ခေါ်တာ” လို့ ဒေသခံတဦးက ပြောပါတယ်။
Public Service Announcement
ဒါ့အပြင် ထွက်ကြည့်တဲ့ အမျိုးသမီးတွေကိုလည်းအဲဒီစစ်ကား တွေကဆဲဆိုသွားတယ်လို့ဆိုပါတယ်။
ပြီးခဲ့တဲ့ ဒီဇင်ဘာ၈ ရက်ကလည်း ပုသိမ်ကြီးမြို့မပျူစောထီးအုပ်စုက ကုန်းတန်းရွာက လူငယ်တွေကို ပေါ်တာဆွဲခဲ့ပြီး တဦးကို ကျပ်သိန်း၁၅၀နဲ့ပြန်ရွေးခိုင်းခဲ့ပါသေးတယ်။
စစ်တပ်က စစ်မှုထမ်းအပတ်စဉ်(၂၁)အတွက် ပေါ်တာဆွဲနေတာဖြစ်ပြီး ဒီနေ့လည်း စစ်ကိုင်းမြို့၊ကျောက်ဝိုင်းအနီးမှာ အမျိုးသားအများအပြားကို စစ်တပ်က ပေါ်တာဆွဲဖမ်းဆီးသွားတယ်လို့ သိရပါတယ်။
