ဒိုက်ဦးနဲ့ ပေါင်းတည်ထောင်တွေမှာ အကျဥ်းသားတွေ စစ်တပ်ရွေးကောက်ပွဲကို ကန့်ကွက်ဆန္ဒပြနေ

ဒီဇင်ဘာ-၂၈၊ ၂၀၂၅ ဇေအောင်/People’s Spring

ဒိုက်ဦးအကျဥ်းထောင်နဲ့ ပေါင်းတည်အကျဥ်းထောင်တွေမှာ အကျဥ်းသားတွေက စစ်ကောင်စီရွေးကောက်ပွဲကို ကန့်ကွက်ဆန္ဒပြနေကြောင်း သတင်းရရှိပါတယ်။

ဒီကနေ့မှာ စစ်တပ်က ပြုလုပ်နေတဲ့ ရွေးကောက်ပွဲကို ကန့်ကွက်ဆန္ဒပြတဲ့အနေနဲ့ ပဲခူးတိုင်းက ဒိုက်ဦးအကျဥ်းထောင်နဲ့ ပေါင်းတည်အကျဥ်းထောင်တွေမှာ အကျဥ်းသားတွေက ဆန္ဒပြနေတာဖြစ်ကြောင်း မြန်မာနိုင်ငံလုံးဆိုင်ရာ နိုင်ငံရေးအကျဥ်းသားများ ကွန်ရက်(PPNM)ရဲ့ တာဝန်ရှိသူက ပြောပါတယ်။

“ အခုလက်ရှိ သတင်းရထားမှုအရ စစ်ကော်မရှင်က ပထမအ​ကြိမ်ပြုလုပ်တဲ့ ရွေးကောက်ပွဲကို မထောက်ခံကြောင်း ကန့်ကွက်ဆန္ဒပြတဲ့အနေနဲ့ ထောင်ကနေမှကျွေးတဲ့ထမင်းနဲ့ဟင်းကိုမယူဘဲ ဒိုက်ဦးထောင်နဲ့ ပေါင်းတည်ထောင်မှာတော့ ဆန္ဒထုတ်ဖော်နေကြပါတယ်။” လို့ ၎င်းတာဝန်ရှိသူက ပြောပါတယ်။

Public Service Announcement

အကျဥ်းသားတွေ ဆန္ဒပြမှု နောက်ဆက်တွဲ အခြေအနေကိုတော့အ​သေးစိပ် မသိရသေးပါဘူး။

ဒိုက်ဦးအကျဉ်းထောင်ဟာ နိုင်ငံရေးအကျဉ်းသားများအပေါ် လူ့အခွင့်အရေးချိုးဖောက်မှုများ ဆိုးရွာစွာ ကျူးလွန်လေ့ရှိတယ်လို့ PPNM က ပြီးခဲ့တဲ့ ဒီဇင်ဘာ ၂၃ ရက်က အသိပေးထားပါတယ်။

၂၀၂၀ ​ရွေး​ကောက်ပွဲမှာပြည်သူ ၃၇ ​ကျော်မဲ​ပေးပြီး တခဲနက်အနိုင်ရရှိထားတဲ့ ​ရွေး​ကောက်ခံအရပ်သားအစိုးရကို စစ်တပ်က လက်နက်အားကိုးနဲ့ အာဏာသိမ်းပြီး ၅ နှစ်အကြာမှာ နိုင်ငံတစ်ဝန်းတိုက်ပွဲ​တွေပြင်းထန်စွာဖြစ်ပွား​နေတဲ့ကြား၊နယ်​မြေအများအပြားဆုံးရှုံးထားတဲ့ကြားက​ရွေး​ကောက်ပွဲလုပ်​နေတာဖြစ်ပါတယ်။အာဏာသိမ်း စစ်တပ်တရားဝင်မှုရဖို့နဲ့ အာဏာ​ရေရှည်ဆုပ်ကိုင်နိုင်ဖို့လုပ်တဲ့​ရွေး​ကောက်ပွဲကို ဆန်ကျင်ကြဖို့​တော်လှန်​ရေးအင်အားစု​တွေကတိုက်တွန်းထားပါတယ်။