တစ်ချိန်က “မအိပ်တဲ့မြို့” လို့ ခေါ်ခဲ့တဲ့ ရန်ကုန်ဟာ အခုတော့ မီးပြတ်၊ ရေပြတ်၊ မလုံခြုံမှုတွေနဲ့ ရှင်သန်ဖို့ပဲ ကြိုးစားနေရတဲ့ မြို့တစ်မြို့ ဖြစ်လာနေပါတယ်။
ညဘက်စောစော တိတ်ဆိတ်သွားတဲ့ လမ်းတွေ၊ နေ့စဉ်ကြုံနေရတဲ့ စိုးရိမ်မှုတွေနဲ့အတူ ရေမရ မီးမလာတဲ့ အထပ်မြင့်တိုက်ခန်း ဘဝတွေက မြို့ခံတွေရဲ့ နေ့စဉ်ဖြတ်သန်းမှု ဖြစ်လာခဲ့ပါတယ်။
စီးပွားရေးအကျပ်အတည်း၊ ကုန်ဈေးနှုန်းမြင့်တက်မှု၊ အလုပ်အကိုင်ရှားပါးမှုတွေအပြင် လူငယ်တွေ မြို့ကနေစွန့်ခွာနေတဲ့ အခြေအနေတွေကြားမှာ ရန်ကုန်ဟာ အရင်ကလို အနာဂတ်ကို စီမံကိန်းချတဲ့မြို့ မဟုတ်တော့ဘူးလို့ မြို့ခံတွေက ပြောကြပါတယ်။
ဒီရုပ်သံမှာတော့ စစ်အာဏာသိမ်းပြီး ၅ နှစ်ကျော်အတွင်း ပြောင်းလဲသွားတဲ့ ရန်ကုန်မြို့ရဲ့ နေ့စဉ်ဘဝအခြေအနေတွေကို မြို့ခံတွေရဲ့ အသံတွေနဲ့အတူ တင်ဆက်ထားပါတယ်။
ကိုလှိုင်း/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် /qurium/myanmar-now.org/mm-members.html တွင် ကူညီနိုင်ပါသည်။
