شهباز شریف، نخستوزیر پاکستان و امامعلی رحمان، رییسجمهور تاجیکستان در یک اعلامیهی مشترک گفتهاند که داشتن یک حکومت فراگیر برای افغانستان مهم است.
این اعلامیه امروز (چهارشنبه، ۱۳ سرطان) و در پایان سفر دوروزهی شهباز شریف به تاجیکستان صادر شده است.
در این اعلامیه آمده است: «دو طرف توافق کردند که افغانستان صلحآمیز، مرفه، بههمپیوسته و باثبات برای رفاه و پیشرفت منطقهای اساسی است. از این رو، آنها داشتن یک حکومت فراگیر را برای افغانستان مهم دانستند.»
نخستوزیر پاکستان دیروز در یک سفر رسمی وارد دوشنبه، پایتخت تاجیکستان شد و با امامعلی رحمان، رییسجمهور آن کشور دیدار و گفتوگو کرد.
او در یک نشست خبری مشترک خود با رییسجمهور تاجیکستان نیز به مسائل افغانستان اشاره کرد و بر ضرورت اتصال ریلی بین تاجیکستان، افغانستان و بندر کراچی برای تقویت تجارت و همگرایی منطقهای تأکید کرد.
نخستوزیر پاکستان در این نشست خبری به مسألهی تروریسم نیز اشاره کرد و تاجیکستان و پاکستان را قربانیان تروریسم دانست.