اطلاعات روز: هلمند کې ځايي سرچينې خبر ورکوي، چې د دې ولایت په موسی کلا ولسوالۍ کې د يو ځوان جسد موندل شوی دی.
یوې سرچینې د نوم نه یادولو په شرط وویل، چې د دغه ځوان جسد نن (چهارشنبه، ۱ د سلواغې) سهار مهال د موسی کلا ولسوالۍ اړوند «شوارزو» سيمه کې موندل شوی.
سرچينه زیاتوي، چې د دغه ځوان پر بدن د وهلو ټکولو نښې ليدل کېږي او څرګندیږي چې په ډير «ناوړه ډول» وژل شوی دی.
د سرچینې په وینا، چې ځایي طالبانو د وژل شوي ځوان جسد د موسی کلا ولسوالۍ روغتيايي مرکز ته انتقال کړی ترڅو د هغه کورنۍ وموندل شي.
هلمند کې ځایي طالبانو تر اوسه په دې تړاو معلومات نه دي ورکړي.
