İkinci hissə
Qobustan Həbsxanasında ömürülk cəza çəkən, siyasi məhbus, Xüsusi Təyinatlı Polis Dəstəsinin (XTPD) komandrlərindən Elçin Səməd oğlu Əmiraslanov xatirə janrında bir mətn yazıb. Redaksiyamız həmin xatirələri müəllifin dəsti-xəttini qorumaqla, yüngülvari redaktə və düzəlişə ixtiyarınıza təqdim edir. Elçin Əmiraslanov 10.12.1996-cı ildən həbsdədir.
Məhkəmə onun barəsində 28.11.1997-ci il tarixdə ölüm hökmü çıxarıb. Sonra bu hökm ömürlük azadlıqdan məhrumetmə cəzası ilə əvəz edilib. Elçin Əmiraslanov və onun iki OMON-çu yoldaşı Avropa Şurasının və yerli hüquq müdafiəçilərinin siyasi məhbus siyahısında olsa da, onları nədənsə hələ də azadlığa buraxmırlar Bu xatirələrdə Əmiraslanov onun həyatında kəskin dönüş nöqtəsi olan Erməni təcavüzünə qarşı mübarizəyə necə qoşulmasını, müxtəlif məxfi əməliyyatları nəql edib.
Əmiraslanovun yazıları “Azadlıq”da işıqlanır, arzu edirik ki, onun və digər siyasi məhbusların özlərini azadlıqda görək.
1993-cü ilin qışında Yuxarı Göycədə erməni və rus hərbi birləşmələri gecə vaxtı gözlənilmədən bizim pozisiya raşotları öldürüb yüksəklikləri ələ keçirmişdilər. Ağstafa təhlükə altında idi. Rəhbərlik etdiyim OMON-İsa Sadıqovun rəhbərlik etdiyi briqadanın batalyonu, onun komandiri Dilqəm birgə əməliyyat hazırladıq. Qazax-Ağstafanın bütün rəhbərləri Göycə kəndində idi. Əks-hücum başlandı. Artilleriya batareyasının rəisi Ərəstun və İsa Sadıqov təxminən 40 dəqiqə ermənilər olan yüksəklikləri atəşə tutdular. Əks-hücum başlandı, həmin yüksəklikləri geri aldıq. Bir dənə erməni BMP-1 vurmuşduq. Bizim işimiz Qazaxda briqada yaranandan sonra bir qədər yüngülləşmişdi. İsa Sadıqovla belə qərara gəlmişdik ki, haranısa götürmək lazım olanda OMON-dan istifadə edərik. Hansı döyüş bölgəsində çətinlik olurdusa, OMON-dan orada istifadə olunurdu. İndi mən sərhəd bölgəsində ancaq roşotları saxlayırdım: yəni SPQ-9, PTUZ, minamyotnu batareya, zenit pulemyotu, SVD və kiçik kəşfiyyat qrupu, BMD maşın. Belə olan halda OMON-un yarısı dincələ bilirdi.
1992-ci ilin yayında Bala Cəfərlidə döyüşlər gedirdi. Bizi oraya çağırdılar. Ermənistan tərəfdən bütün atəş nöqtələrini məhv etmək lazım idi. Bunun öhdəsindən gəlmək çox çətin idi. Rəhim adlı milis işçisi bizə bələdçilik edir və həm də bizlə bərabər vuruşurdu. Bir neçə atəş nöqtəsini məhv etdikdən sonra ermənilər tərəfdən 2 ədəd Mİ-8 vertolyot qalxdı, F-8 raketləri ilə bizi atəşə tutdular. Vertolyotların qanadında SSSR yazılmış, eyni zamanda ulduzlar var idi. Biz vertolyotlarla görüşürdük. OMON döyüşçüləri və yerli döyüşçülər əsl qəhrəmanlıq göstərirdilər. Elə bu vaxt bir nəfər yaxınlıqda qışqırdı: “Rebyata, şto vı delayte. Eto je naşi”. Sonradan bildim ki, bu oğlan “Moskovski Komsomol” qəzetinin jurnalistidir. Bu döyüş haqqında “Moskovski Komsomol”da məqalə çıxmışdı. Həmin məqalənin adı “Voyna Vinoqradnikov” idi. Sonradan həmin qəzeti poçt vasitəsi ilə bizə göndərmişdi. Döyüş dayanandan sonra Bala Cəfərlidən yuxarıda-İcevanın ərazisində maşın hərəkətləri qeydə aldıq. Kəfiyyat xəritəsində o ərazi “Setıvıy Qorodok” idi. Mən deyə bilmərəm nə qədər ərazini enerji ilə təmin edir, ancaq içəridə 5-6 dənə böyük transformatorlar və “pult upravleniya” otağı var idi. Növbəti günün axşamı biz Rəhimin köməyi ilə oraya daxil olduq. Ərazini tamamilə minaladıq və partlatdıq. Doğrusu, müqavimət göstərən olmadı, çünki ora mülki obyekt idi, içəridə növbətçi elektriklər var idi. Səhərigün mən hadisə barədə Rövşən Cavadova məruzə etdim. Hər əməliyyatdan sonra biz mükafatlandırılırdıq.
1992-ci ilin yayında DİN-i İskəndər Həmidovun əmri ilə biz Gədəbəyə dislokasiya olduq. Başkəndi ermənilərdən təmizləmək lazım idi. İsa Sadıqovun artilleristləri də gəlmişdi. Biz bağçada dislokasiya olduq. Onu da deyim ki, Gədəbəydə mənə tabe olan bir tağım Omonçu var idi. İsa Sadıqovun və başqa köməkçi qüvvələrin artilleriya hazırlığı gedirdi. Başkəndi atəşə tuturdular. Biz malakan bələdçinin köməyi ilə İvanovka kəndindən keçərək arxa yolla Krasnoselski tərəfdən çayı keçdik, ermənilərin yeganə keçid yolunu tutduq. Onlar rus texnikalarının köməyi ilə avtobuslarla bizim üzərimizə çıxırdılar. Biz də onları atəşə tutduq, hətta bir avtobuslarını yandırdıq. Axşamayaxın Başkəndi ələ keçirdik. Bu uğurlu əməliyyata görə DİN və MN tərəfindən bütün şəxsi heyət mükafatlandırıldı.
MƏXFİ ƏMƏLİYYATLAR
1991-1994-cü illərdə Azərbaycan-Ermənistan, Gürcüstan-Ermənistan sərhədi və Ermənistan daxilində aparılan məxfi əməliyyatlar.
- İmir körpüsü əməliyyatı. Bu köprü Gürcüstan və Ermənistanı dəmiryolu ilə birləşdirir, Xram çayının üstündədir
Əməliyyatın iştirakçıları: Əmiraslanov, Rafət- OMON-da batalyon komandiri, Məmmədov Yaşar, Qurbanov Rüstəm, bələdçi Əlikram. DİN-in tapşırığı ilə mən, R. Cavadov, OMON-un ştab rəisi Şahmuradov Nizaminin otağında kəşfiyyat məlumatlarından sonra, yəni fotoşəkilləri araşdırandan sonra əməliyyatın gedişinin hərəkət qaydalarını planlaşdırmışdıq.
Dəmir- beton konstruksiyadan ibarət olan körpünün uzunluğu 80-100 metr idi. 4 qutu partlayıcı maddə bir neçə gün əvvəl Gürcüstan- Ermənistan sərhədində gizlədilmişdi.
1992-ci ilin yayında biz başqa bir millətdən olan adamın evində qonaq qismində dislokasiya olunmuşduq. Bir gün həmin evdə qaldıq. Səhəri gün axşam hərəkətə keçdik. Körpünün yaxınlığında meşə massivində gizlənmişdik. Heç bir müqavimət yox idi. Yaşarla mən minaları körpünün altına yerləşdirdik. Şnuru çəkdik ki, meşə massivinə-Rafətgilin yanına aparaq. Elə bu vaxt körpünün üstündə bir nəfərin dayanıb bizə baxdığını gördük. Təxminən 10-12 metr yuxarıdan o bizə erməni dilində salam verdi və balıq barədə nə isə soruşdu. Bu ərazidə çox qarışıq millətlər yaşayırdı: berzenlər, ermənilər, kürdlər. Yaşar ermənicə ona cavab verdi. Biz ona yaxınlaşdıq. Ay işığı altında hər şey aydın görünürdü. Onun ayağının altında qurğuşunlu atma tor var idi. Biz silahlı idik. Tez bunu götürdük. Şnuru çəkdik, təxminən körpüdən 150-200 metr aralıya körpünü partlatdıq, ermənini isə öldürdük. Orda silah istifadə etmək olmazdı. Yaşar və mən bir neçə bıçaq zərbəsi ilə öldürdük. Tez Gürcüstan və Ermənistan sərhidi boyunca öz sərhədimizə yaxınlaşdıq. Sərhəddə bizi OMONçu Yaşar gözləyirdi. Partlayış barədə Rusiyanın “Ostankino 1” kanalı “Vremya” proqramında xəbər vermişdi. Səhəri gün axşam mən Nizami Şahmuradovla əlaqəyə girdim. O hər şeydən xəbərdar olduğunu deyib, məni Bakıya dəvət etdi. Bakıya gedib partlayışdan əvvəlki və sonrakı fotoların bir nüxsəsini ona, digərini isə Rövşən Cavadova verdim.
1992-ci ildə İskəndər Həmidov Qafqazda olan qaz kəmərlərinin yeraltı sxemini Rövşən Cavadov vasitəsilə bizə yollamışdı. Əmr vermişdi ki, Ermənistana qaz getməməlidir. Həmin sxemlə gedib ermənilərin “qazvıy qorodok”unu tapdıq. Noyanberyan sərhəddində təxminən 60-70 metr qaz borusunu sıradan çıxardıq. Əməliyyatda təxminən 30 OMON-çu iştirak edirdi. Çünki ərazi çöllükdə idi. Orda dairəvi müdafiə qurmaq lazım idi. Budaqov Elxanla mən, Məmmədov Elçin hər 15-20 addımdan bir-iki metrə yaxın qazıb minalayırdıq. Partlayışdan sonra dairəvi müdafiəni götürdük. Azərbaycan sərhədinə keçdik. Bir gündən sonra Rövşən Cavadova zəng elədim. Moskva xəbərlərindən hər şeyi bilirdi, yenə də fotoşəkillərlə raportla məruzəni R.Cavadova və N.Şahmuradova təqdim etdim.
Şulaverlə Noyanberyan arasındakı çayın üzərində dəmir beton konstruksiyalı körpünün kəşfiyyat məlumatlarını əldə etmişdik. Yaşar Məmmədov, Zahid, Baba, Halmet dörd yeşik partlayıcını sərhəddə gizləməli idilər. Biz isə o tərəfə keçib əməliyyatı başa vurmalı idik. Heç demək Gürcüstanın və Ermənistanın xüsusi xidmətləri Yaşargili izləyirmiş. Yaşargil gürcü serialı maşınla hərəkət edirdi. Marnauleyə girəndə gürcü və erməni bunuları təqib edib, pusuqya salır və atışma başlayır. Baba yerindəcə ölür, digərləri yaralanır. Yaşar yarası daha ciddi olur. Zahid də yaralanmağına baxmayaraq özünü suya atıb ordan qaça bildi və baş verənlər barədə bizi məlumatlandırdı. Mən də öz növbəmdə hadisəni Rövşən Cavadova məruzə etdim. Onun isə cavabı bu oldu ki, uşaqlar sağdırsa nə olur-olsun hücum edib onları xilas et.
Marneulidə əməliyyatçı işləyən bir nəfərdən məlumat aldım ki, Ermənistan və Gürcüstanın xüsusi xidmət orqanlarının yaratdığı istintaq komissiyası sabah bizim yaralı uşaqlarla məşğul olacaqlar.Tapşırıq qəti və aydın idi: əməliyyat aparıb Yaşargili ordan qurtarmaq! Röşvən Cavadov bütün əməliyyata Bakıdan şəxsən nəzarət edirdi. Mən hər saat ona məlumat verirdim. Bakıdan vertolyot gəlib stadionda enərək gözləyirdi. Qazaxın səhiyyə idarəsinin rəisi Pənahov Tapdıq da “Qırmızı Körpü”də təcili yardım maşınında gözləyirdi. Onu da bildirim ki Qazaxın mərkəzi ilə “Qırmızı Körpü” arasında məsafə 40 kmdir. Yaşargilin saxlandığı xəstəxana ilə də körpünün arası təxminən bu qədər idi. İki qrup yaratmışdım. Birinci qrupda biz idik. İkinci qrupu isə xəstəxanadakı mühafizəni aradan götürmək üçün düşünmüşdük.
Bitmədi, ardı var