AXCP RH üzvü Fuad Qəhrəmanlı
Prezident Administrasiyasının şöbə müdiri Ədalət Vəliyev bildirib ki, “İqtidarla müxalifət arasında milli maraqlar naminə indiyə qədər misli görünməmiş yaxınlaşma var”
- O hansı milli məsələlərdir ki, onlarla bağlı hakimiyyət və müxalifət arasında müzakirə keçirilib və razılaşma əldə olunub? Demokratik seçkilər, siyasi məhbuslar, gələckdə sərbəst toplaşma azadlığına qoyulmuş qadağanın götrülməsi, karantin dövründə əhaliyə yardmların olunması, kommunal xərclərin dövlət hesabına ödənilməsi, uşaq pulunun verilməsi, korrupsiya qarşı mübarizə və sistem islahatları və s. məsələlər barədə razılaşma və fikir birliyi əldə olunmayıbsa, o zaman, bu yaxınlaşma nəyi ehtiva edir?
Buyursunlar həm hakimiyyət, həm də şöbə müdiri ilə görüşən partiya sədrləri cəmiyyətə məlumat versinlər.
Verə bilərlərmi? Yox. Niyə? Çünki hakimiyyət saydığımız məsələlərdə öz murtəce mövqeyindən geri çəkilmək niyyətində deyil. Digər tərəfdən, bu görüşə çağırılanlar da elə prinsipial müxalifət mövqeyində deyillər ki, onlar iqtidarın qarşısında tələb irəli sürə bilsinlər. Əksinə, onlar Ədalət Vəliyevlə görüşməyi şərəf bilib, şöbə müdiri ilə kontakt qurmağı özləri üçün imtiyaz, hansısa özəl işlərini aşırmaq üçün imkam kimi dəyərələndirən şəxslərdir. - Əgər Ədalət Vəliyevin görüşünə tələsə- tələsə, ən yaxşı kostuyumunu geyinib, belə bir istidə qalstuk taxıb, sevinərək gedən bu adamlar müxalifətdirsə, bəs onda AXCP, Milli Şura, Rifah və Demokratiya Hərəkatı, Haqq və Ədalət partiyası nədir? Məgər müxalifət Milli Məclisin deputatı təyin olunmaqdır ki, onu da iqtidar öz siyahısı əsasında müəyyənləşdirsin? Onların bu yolla müəyyənləşdirdikləri, “müxalifət” cəmiyyətin nəzərində, elə o qaydada təyin etdikləri deputatlardan heç nə ilə fərqlənmir.
Bunu iqtidar anlamasa da olar, əsas odur ki, xalq fərqi gözəl bilir.