Saakaşvili islahatları Ukraynaya nə vəd edir?
Fəxrəddin Mehdiyev
İyun ayının 30-da Ukraynada Saakaşvili rəhbərlik etdiyi islahatlar üzrə Milli Şuranın adından Dövlət başçısının səyləri ilə islahatlara start verildiyini bəyan etməklə islahatların əsas istiqamətlərini ictimaiyyətə açıqladı.
İslahatlarla oliqarxiya hakimiyyətinə, korrupsiya müharibə elan edildi. İslahat daha çox institutsional dəyişikliyi, gömrük, vergi, hüquq mühafizə orqanlarında, məhkəmə sistemində və s. sahələrdə inqilabi dəyişikliyi nəzərdə tutur.
Gömrük sahəsindəki islahatlar Saakaşvilinin Gürcüstanda prezidenlik dövründə apardığı dəyişiklərə oxşayır. O dövrdə Gürcüstanda aparılan gömrük islahatları gömrük sistemində uğurlu addım oldu, gömrük işini dünyada ən effektli fəaliyyətə çevirdi. Gömrük islahatları radikallığı ilə seçilir, belə ki, gömrük yoxlamalarını müddətinin azaldılması, maksimum 15 dəqiqə müddətində gömrük yoxlamalarının başa çatdırlması; gömrük sənədləşmələrinin sadələşdirlməsi- 26 sənəddən iki sənədə qədər azaldılması, gömrükdə vasitəçilərin (brokerlərin) aradan qaldırılması, gömrük işçilərinin əmək haqqlarının artırılması və s. həyata keçiriləcək. Göstərilir ki, gömrük sahəsində islahatlar nəticəsində gömrük korrupisyalaşmış bürokratik aparatdan insanlara və biznesə xidmət göstərən servisə çevriləcək.
Vergi sahəsində də vergi yükünün azaldılması, vergitutma prosesinin sadələşdirlməsi aparılacaq.
Hüquq mühafizə orqanlarının geniş şəbəkəsinin iqtisadi fəaliyyətə müdaxiləsi dayandırılır, maliyyə pozunturlarını araşdıran vahid orqan yaradılır. Daha ciddi yenilik – istintaqla əməkdaşlıq və prosessual sazişdir. Bu prosedur nəticəsində maliyyə cinayətə yol verən şəxs maddi zərəri dövlət büdcəsinə ödəyir və bununla da iş məhkəməyə göndərilmir, şəxs cinayət məsuliyyətindən azad olunur. Bu metod da Saakaşvılinin Gürcüstanda prezidentlik dövründə tətliq edilməyə başlanıb və effektini göstərib, bu yolla iki milyard dolları vəsait dövlət büdcəsinə ödənilib.
İslahatların növbəti mərhələsi məhkəmə və səhiyyə islahatları olacaq və bu islahatların əsas istiqamətləri bu ay açıqlanacaq. Məhkəmə sistemindəki islahatlara çox böyük önəm verilir, göstərilir ki, “ ədalət məhkəməsi olmayan cəmiyyətdə ədalət olmaz”. Məhkəmə islahatlarına hakimlər korpusu və Rada tərəfindən müqavimət göstəriləcəyi təqdirdə bu sahədə referendum keçirilməsi nəzərdə tutulur.
İslahatların surətlə həyata keçirilməsi, bir il ərzində islahatların mütərəqqi nəticələrinin özünü göstərəcəyi gözlənilir.
İslahatların miqyası nəhəng və cəlbedicidir. Ümumdaxili məhsulun həcminin 10%-ə çatdırlması, xammal iqtisadiyyatının bilik iqtisadiyyatına keçirilməsi, müasir sənaye, nəqliyyat və biznes infrasuktrunanın yaradılması və s.
İslahatların nəticəsində “ kiçik addımlar böyük addımlara “ keçəcək, Ukraynanın demokratiya və insan hüquqlarının bərqərar olduğu Avropa ölkəsinə çevrilməsinə nail olunacaq.
Saakaşvili bildirir ki, Ukrayna xalqının Azadlıq Ruhu islahatlara stimul və təminat yaradır.
Azadlıq ruhu! Bu həmdə mütərrəqi inkişafın özüdür!
… Şərq ədəbiyyatında belə bir rəvayət var. Tələbələr müəllimdən soruşurlar: Bütün insanlar üzərində Tanrının məhəbbəti var. Bəs nə üçün insanların çoxu xoşbəxt deyillər? Müəllim cavabına deyir. “ Çünki bunu çoxları istəmirlər.” Tələblərin təəccübünü görən müəllim cavabını insanlardan soruşmağı məsləhət görür. İnsanların cavabları tələbələr üçün qəribə olur: Kimisi pul istəyir, kimisi avtomobil istəyir, kimisi ev istəyir, kimisi vəzifə istəyir, kimisi şöhrət istəyir və s. insanlar daha çox müvəqqəti maddi nemətlər istəyirlər və bu cavabları müəllimə bildirdikdə müəllim söyləyir: görürsünüzmü insanların çoxları xoşbəxtlik və azadlıq istəmirlər. Əgər xoşbəxtlik istəsələr, Tanrı xoşbəxtliyi onlara verər.
Ukrayna xalqı xoşbəxtlik istəyir və buna doğru gedir.
Uğurlar olsun !