Avropa Insan Haqları Məhkəməsi (AİHM) iyulun 16-da Leyla və Arif Yunusların şikayətləri üzrə qərarını elan edib.
AİHM iddia olunan pozuntuların əksəriyyətini tanıyıb. Məhkəmə hesab edib ki, Yunsulara münasibətdə Avropa Konvensiyasının 5-ci (azadlıq, toxunulmazlıq hüququ), 6-cı (ədalətli məhkəmə araşdırması), 8-ci (şəxsi həyat) 13-cü (səmərəli hüquq vasitələri hüququ), 18-ci, 1 saylı Protokolun 1-ci (mülkiyyət hüququ), 4 saylı Protokolun 2-ci (hərəkət azadlığı) maddələri pozulub.
Qərar görə, hökumət Yunuslara ümumilikdə 51 min 438 avro təzminat ödəməlidir.
Azərbaycanda həbsdə tutulduqdan sonra ölkədən mühacirət edən Sülh və Demokratiya İnstitutunun rəhbəri Leyla Yunus və onun həyat yoldaşı, institutun bölmə rəhbəri Arif Yunus hazırda Hollandiyada yaşayır. Onlar Azərbaycanda həbs edilmələrindən və xüsusilə məhkəməyə qədər həbsdə saxlanılmalarından şikayət edib, onlara qarşı həyata keçirilmiş tədbirlərin bilavasitə hökumətə qarşı tənqidi çıxışlarına və fəalluyyətlərinə qarşı qisas məqsədi daşıdığını iddia etmişdilər.
Bu barədə məlumatı vəkil Xalid Ağalı yayıb.
Detallı keçid – http://aihmaz.org/2020/07/16/leyla-və-arif-yunusa-təzminat-odəniləcək/