Qubadlı rayonunun erməni işğalından azad edilməsi zamanı Azərbaycan hərbçiləri ermənilərin vandalizmi ilə bağlı növbəti faktla üzləşiblər. Bu rayonun Məmər kəndindəki XVIII əsrə aid məscid donuzxanaya çevrilib. Bu barədə dövlət başçısının köməkçisi Hikmət Hacıyev Tvitter-də yazıb.
“Məscid tamamilə dağıdılıb. XVIII əsrin dini-mədəni abidəsi Ermənistan tərəfindən təhqir edilib və donuzxanaya çevrilib. Biz YUNESKO, İSESKO, İslam Əməkdaşlıq Təşkilatını (İƏT) tədbir görməyə və bu cür vəhşilik hərəkətlərini pisləməyə çağırırıq”,- H.Hacıyev yazıb və məlumata video əlavə edib.
Contact.az