Sülh tərəfdarı olan erməni fəallardan biri Ermənistanın Baş naziri Nikol Paşinyana müraciət edib. Kino xadimi olan, eyni zamanda Sülh Təşəbbüsləri Qafqaz Mərkəzinə rəhbərlik edən Georgi Vanyan Paşinyanı cinayətkar əmək və davranışlardan çəkinməyə çağırıb.
Georgi Vanyan Baş nazirə müraciətini özünün Facebook səhifəsində yayıb. Müraciətdə deyilir:
“Ermənistan öz vətəndaşlarına qarşı belə, cinayət həddini çoxdan keçib. Cinayətkarcasına qələbə çalmaq tamaşasını dayandırın: qonşu üzərində qələbə çalmazlar, qonşunu tapdalamazlar, qonşunu məhv etməzlər. Qonşu ilə danışarlar, danışarlar, danışarlar… Ta o vaxta qədər ki, eyni dildə danışmaq bacarığı yaranar, qarşılıqlı anlaşma olar.
Qonşuların bir-birini məhv etmək cəhdi tərəflərin özlərini məhv etməsinə aparan yoldur.
Unudun, “strateji müttəfiqin” xilaskar gücü barədə cinayətkarcasına yalandan imtina edin.
Bu davamlı qırğın şəraitində unudun! Gülünc müttəfiq axtarışından əl çəkin! Soyqırımın tanınması üçün beynəlxalq ictimaiyyətdən biabırçı sədəqə ümidini dayandırın!
Hərəkətsizliyin öhdəsindən gəlin, cinayətkarcasına olan millətçi tabuları aradan qaldırın.
Son 30 ildə, xüsusən də bu gün bizim bir müttəfiqimiz ola bilərdi – bu da qonşu Azərbaycandır. Deyin, qorxmadan həmkarınızın üzünə baxın”.
Azadlıq.info