1-ci Qarabağ savaşı zamanı müxalifətin mövqeyi Azərbaycanın Milli maraqlarına zərbə vuracaq mövqe idi və elə də oldu. Qarabağ işğalı gedən zaman müxalifət xəyanət içində idi və hakimiyyət savaşı aparırdı. Sonunda nəticəsi də Qarabağın itirilməsi ilə və ölkədə qardaş qırğını ilə(Elçibəyin bu qardaş qırğını olmamasında mustəsna xidməti var) nəticələndi. Amma 2020-ci ildə biz bunun tamam tərsini gördük. Əslində lazım olanı gördük.
Heç kimə sirr deyil ki son 17 ildə Azərbaycan müxalifəti böyük repressiyalara məruz qalıb. Dağıdıcı siyasət nəticəsində ölkədə onlarla siyasi məhbus və ölkədən çıxan şəxslər də var. Hətta bu şərəfli amal uğrunda şəhid olanlar da var. Son 10 ildə repressiyalara ən çox məruz qalan partiya isə birmənalı olaraq AXCP-dir. Hər cür böhtana,təhqirə və şərə məruz qalıblar. Amma bu gün 2-ci Qarabağ müharibəsində Azərbaycan müxalifəti,xüsusi ilə AXCP(ermənilərə işləməkdə ittiham olunurdular) göstərdi ki Azərbaycanın ərazi bütövlüyü hər şeyin üstündə dayanır. Hətta deyərdim ki Əliyevin belə gözləmədiyi bir birlik nümayiş olundu və davam edir. Müxalifətli,iqtidarlı hamı Ordumuzun yanında bir yumruq kimi dayandı. Bütün beynəlxalq təzyiqlərə qarşı da bu möhtəşəm birlik nümayiş etdirildi. Bu gün AXCP sədrinin Əliyevi də təbrik etməsi bu birliyin, bu dəstəyin ən ali forması idi. Lazım olanı etdi Kərimli. Çünki siyasətdə təsadüfi adam deyildi(1992-də ən böyük problem siyasət meydanında təsadüfilərin çox olması idi). Bəli Azərbaycan müxalifəti(özünü müxalifət bilən və xalqın müxalifət gördüyü bütün partiyaları aid edirəm) sübüt etdilər ki vətənin birliyi üçün bir olmaq lazımdır və oldular. İllərlə vurulan ermənipərəst damğası da beləliklə məhv oldu.
Bəli bu gün bütün ölkə bir yumruq kimi birləşib. Hamı vətən naminə birləşib.Hamı Qarabağ üçün birləşib və Qarabağ deyir..
Allah Azərbaycan Ordusuna güc versin və əsgərimizi qorusun!!!
Azər Kazımzadə