Tərəflər indiki mövqelərində qalır, ermənilər Ağdam, Kəlbəcər və Laçını da qaytarır, Dağlıq Qarabağa və Laçın dəhlizinə Rusiya qoşunları gəlir
İlham Əliyev sənədi Ermənistanın faktiki kapitulyasiyası adlandırır
Qarabağ müharibəsinin dayandığı haqda birgə bəyanatı İlham Əliyev və Vladimir Putin videokonfrans formatında ekran qarşısında imzalayıb. İmzalamadan sonra İ.Əliyev xalqa müraciətində deyib ki, Paşinyan sənədi videokonfrans formatında birgə imzalamaqdan imtina edib. Çünki bu, faktiki Ermənistanın kapitulyasiyasıdır.
Paşinyan isə feysbuk səhifəsində sənədi imzaladığını bildirib.
Putin, Əliyev və Paşinyanın imzaladığı razılaşma sənədi:
- Bütün hərbi əməliyyatlar dayanırlar.
- Ağdam bölgəsi və Qazax bölgəsində saxlanan ərazilər 20 noyabr 2020-ci il tarixinədək Azərbaycana qaytarılacaq.
- Dağlıq Qarabağdakı təmas xətti boyunca və Laçın dəhlizi boyunca Rusiyanın sülhməramlıları yerləşdirilir.
- Rusiyanın sülhməramlırının ərazidə qalma müddəti 5 ildir.
- Atəşkəsə nəzarət etmək üçün sülh mərkəzi yaradılır.
- Ermənistanın Dağlıq Qarabağın Ermənistanla əlaqəsini təmin edəcək və eyni zamanda Kəlbəcəri 15 noyabradək, Laçını isə 1 dekabradək qaytaracaq.
- Məcburi köçkünlər və qaçqınlar Dağlıq Qarabağ ərazisinə və bitişik ərazilərə qaytarılacaq.
- Hərbi əsirlərin və cəsədlərin mübadiləsi həyata keçiriləcək.
- Naxçıvandan Azərbaycana yeni dəhliz açılacaq, Rusiyanın nəzarəti ilə.