Bəxtiyar Hacıyev
Bu gün növbəti dəfə cəbhə bölgəsindən qayıtdıq. Cəbhə bölgəsindən qayıdanda və bir neçə gün Bakıda qalanda iki fərqli məkan duyğusu yaşanır. Sanki, öndə şiddətli döyüşlər getdiyi halda Bakıda torpaqlarımızın necə alınması tam hiss olunmur. Bəzən Bakı küçələrində harasa gedəndə adama elə gəlir ki, ordumuz da yeriyərək, əl-qolunu sallayaraq irəliləyir.
Ancaq elə deyil. Şəhidlərimiz olur, ard-arda yaralılarımızı daşıyan ambulanslar hospitallara, xəstəxanalara yetişməyə çalışırlar. Əsgərlərimiz və zabitlərimiz bəzən günlərlə palçıqda sürünürlər, yaş torpaq üzərində yatırlar, formaları cırılır, hər an düşmən gülləsi, mərmisi ilə üz-üzə gəlmək, düşmənin basdırdığı hansısa minaya düşmək riski ilə irəliləyirlər. Torpaqlarımız asan yolla əldə edilmir, qan tökülür, zəhmət çəkilir.
Həm görüşdüyümüz zabit və əsgərlər, həm də müvəqqəti Bakıya gələn xüsusi təyinatlı qardaşlardan qərargahımıza gələnlərin dedikləri tək ortaq mesaj var – “Xalqımızın dəstəyi olmasa, bu qədər irəliləməzdik”.
Sizin ianə etdiyiniz 10 manatla alınan 4 snikers, 2 meyvə suyu, bir ovuc ləpənin xüsusi təyinatlılarımızın meşəlik ərazidə 3-4 günlük yeməyi olduğunu, bu enerji ilə 20-30 km irəlilədiklərini deyirlər.
Sizin ianə etdiyiniz 90 manatla alınan 3 yüngül yataq tulumunun bir neçə kəşfiyyatçının yaş torpaq, palçıq içində yatmaması demək olduğunu deyirlər.
Bir soba, bir çaydan, bir paket çay və şəkər, bir neçə termosun bir neçə postda isti çayın olması demək olduğunu deyirlər. Mülki əhalidən gələn bir qutu şirniyyatın əsgərlər üçün “demək ki, xalqımız arxamızdadır” düşünməsi, 3 məktəblinin yazdıqları kiçik məktubların onların ruh yüksəkliyini təmin etməsi demək olduğunu deyirlər.
Bəzən bəzi tənqidçilərin “bunları, formanı, botinka və buşlatı niyə dövlət təmin etmir?” deməsinə də cavab verirlər. Günlərlə torpaqda sürünən əsgərin formasını, yaralı əsgərimizin buşlatını göstərirlər. “Döyüşlər zamanı tələbatın dəfələrlə artması təbiidir, dövlət etdiyini edir, xalq da etdiyini edəndə əsgər və zabitlərimizin təminatı yüksək səviyyədə olur və tam ürəklə, tam enerji ilə və tam ruh yüksəkliyi ilə irəli gedirik” deyirlər.
Qısacası, Şuşanın alınması hələ döyüşlərin bitməsi demək deyil. Ordumuz irəliləməlidir və irəlilədikcə, möhkəmlənməlidir. Qarşıdan qış gəlir. Onlara xeyli avadanlıq, isti geyim, ədyallar, tibbi və digər ləvazimatlar lazım olacaq. Zaman keçdikcə siyahılar göndərən nöqtələrin də (hərbi hissə, hospital və s.) sayı artır. Bunları təmin etmək isə ya sizin alıb, gətirib, təqdim etdiyiniz yardımlarla, ya da maddi ianələrinizlə mümkündür.
Əgər oktyabrda ianə etmisinizsə, eynisini noyabrda da təkrarlaya bilərsiniz. Hələ ianə etməmisinizsə, “mənim 10, 20, 50, 100 manatımla nə dəyişəcək ki?” düşünməyin. Dama-dama göl olan ianələrinizin nələr dəyişdiyini bizə danışan əsgər və zabitlərimiz qələbədən sonra sizə də danışarlar. Hanısa restorandakı bir yeməkdən, yaxud bir fincan qəhvədən, yaxud başqa bir xərcdən qənaət edib, bu qələbəyə öz töhfənizi verə bilərsiniz.
İanələr üçün müxtəlif üsulları paylaşıram. Sabah isə hazırda ən çox ehtiyac olanların siyahısını paylaşacam. İanə edək, paylaşaq və böyüyən bir qələbə prosesinin bir hissəsi olaq.
İanə üsulları:
✅ 🇦🇿 Azərbaycanda kartdan-karta:
Elman Mikayılov 4127 2222 2362 8058 (Beynəlxalq Bank)
✅ Milliönlə karta nəğd pul qoymaq üçün:
Kapital bank: 4169 7385 4322 8716 (Elman Mikayılov)
✅ Bakıda nəğd ianələr üçün Caspian Plazanın 1-ci mərtəbəsindəki Milli Ordumuza Dəstək Aksiyası ofisinə yaxınlaşa bilərsiniz. (Hər gün saat 10:00-19:00 arası)
✅ 🇬🇧 UK daxili köçürmələr: Account name: Elman Mikayilov Account number: 26911426 Sort code: 60-12-03
✅ 🇪🇺 🇬🇧 UK və Avropadan bank köçürmələri: IBAN: GB21 REVO 0099 7048 2459 46 Swift/BIC: REVOGB21 Beneficiary: Elman Mikayilov Mikayilov Beneficiary address: 58 Oxford Avenue, SW20 8LT, London, GB
✅ Paypal Köçürmələri üçün: https://paypal.me/elmanmika
✅ Bütün dünyadan: Revolut üçün no: +994553180665
✅ 🇺🇸 ABŞ: Namiq Xoçbərov – Zelle hesabı: 8324928649