Rövşən Hacıbəyli
24 dekabr 2020. Demokratik mətbuatın qaranquşlarından olan “Azadlıq” qəzetinin bu gün 31 yaşı tamam olur. Ötən il olduğu kimi bu il də ad günü qeyd olunmayacaq. 2016-cı ilin sentyabrından çapı dayandırılan qəzet hələ də reanimasiyadadır. Nə vaxt özünə gələcəyi bilinmir. Ola bilsin, ölkə avtoritar rejimdən xilas olandan sonra dirçələcək, əski günlərə dönəcək, köşklərə qayıdacaq. Kim bilir…
Yolu bu qəzetdən düşənləri, burda yazmağa başlayanları, gənc jurnalistlərin əlindən tutan peşəkarları, oranı iş yeri yox, evi sayanları, kollektivin mehriban münasibətinə töhfə verənləri, onun uğrunda fədakarlıq edənləri, yaşaması üçün çalışanları, bu gün də adı gələndə xoş xatirələri yada salıb dodağı qaçanları, ona tramplin kimi baxmayanları təbrik edirəm. Hər biriniz dəyərlisiz, hər birinizi sonsuz sevgiylə xatırlayıram. Bu 31 ildə kollektiv üzvlərindən dünyasını dəyişənləri rəhmətlə anıram. Hamınıza can sağlığı arzulayıram, Tanrı sizi dünyanı bürüyən bu bəladan hifz eləsin!
Bu nömrəni də sizin üçün hazırladım, sabah köşklərdən almağı unutmayın!)
P.S.Bu təbrik həm də “Azadlıq”ın sadiq oxucularına ünvanlanıb. Bizi həm də onlar yaşatdı. Var olun!