Xaqani Cəfərli
Rusiya Silahlı Qüvvələri iyulun 31-dən avqustun 27-dək olan müddətdə, yəni dörd həftə ərzində 6 ədəd bahalı təyyarəsin itirib. İlk olaraq iyulun 31-də Saxalində Su-35 qırıcısı qəzaya uğradı. Bu uğursuzluğun ardınca avqusutun 14-də Türkiyədə çoxməqsədli Be-200 (Altair) amfibiya-təyyarəsi qəzaya uğradı və təyyarənin 8 nəfərlik ekipajı həlak oldu. Avqusutun 17-də Rusiya aviasiya sənayesinin son istehsalı olan İl-112V yüngül nəqliyyat təyyarəsi Moskva yağınlığında qəzaya uğradı. Əvvəlki iki hadisədən fərqli olaraq İl-112V təyyarəsinin qəzası Moskvada ruh düşgünlüyü yaratdı. Çünki, bu yeni nəsil yüngül nəqliyyat təyyarəsi hesab olunurdu və Moskva bu təyyarəni son nailiyyətlərdən biri kimi təqdim edirdi.
Dördüncü qəza avqusun 18-də baş verdi. Rusiya aviasiyasının qüruru olan MiG-29 SMT qırıcısı Həştərxan yağınlığında qəzaya uğradı. Cəmi 5 gün sonra Həştərxan vilayətində daha bir MiG-29 SMT qırıcısı qəzaya uğradı. Bir ay ərzində qəzaya uğrayan altıncı təyyarə Su-24 cəbhə bombardmançısı idi. Bu təyyarə Perm yağınlığında avqust ayının 27-də qəzaya uğradı. Göründüyü kimi cəmi 4 həftə ərzində Rusiya Silahlı Qüvvələri 6 ədəd təyyarəsin itirib.
Ümumilikdə Rusiya Silahlı Qüvvələri 2010-cu ildən bu günə kimi 46 ədəd təyyarəsini itirib. Onlardan 8 ədədi yeni istehsal olunmuşdu. Məsələnin ən maraqlı tərəfi 46 təyyarənin cəmi ikisinin döyüş şəraitində itirilməsidir. Yerdə qalan 44 ədəd təyyarəni Rusiya Silahlı Qüvvələri müharibə olmadan itirib, sülh dövründə itirib. Dünyanın bir neçə bölgəsində hərbi əməliyyatlar aparan ABŞ bu qədər təyyarə itirməyib.
Belə qənaət yaranır ki, müharibə olmadığı bir şəraitdə Rusiya 4 həftə ərzində 6 ədəd təyyarəsin itirirsə, ciddi bir rəqiblə üzləşərsə aviasiyasın tamamilə itirə bilər.