ကနီမြို့နယ်အတွင်း စစ်ကောင်စီတပ်နှင့် ဒေသကာကွယ်ရေးတပ်များကြား ယနေ့(မေ ၁၆)နံ နက်ပိုင်းကစပြီး နှစ်ဖက်ထိတွေ့တိုက်ပွဲဖြစ်ပွားနေကြောင်း KLG-PDF(ကျောက်လုံးကြီး)က ထုတ်ပြန်သည်။
ယနေ့နံနက် ၆ နာရီခွဲကစပြီး မင်းမရွာနှင့် သမင်ခြံကျေးရွာကြားတွင် နှစ်ဘက်တိုက်ပွဲဖြစ်ပွားနေခြင်းဖြစ်ပြီး စစ်ကောင်စီတပ်ဘက်မှ ထိခိုက်သေဆုံးမှုရှိနိုင်သော်လည်း စာရင်းအတိအကျ မသိရသေးဟု ထုတ်ပြန်သည်။
ထို့အပြင် လက်ရှိအခြေအနေတွင် ကနီမြို့နယ်အပါအဝင် စစ်ကိုင်းတိုင်းရှိ မြို့နယ်အများစုကို စစ်ကောင်စီတပ်က အင်တာနက်လိုင်းများ ဖြတ်တောက်ထားခြင်းကြောင့် သတင်းစုစောင်းရေးနှင့် သတင်းထုတ်ပြန်ရေးတို့တွင် အခက်အခဲရှိနေကြောင်း KLG-PDF(ကျောက်လုံးကြီး)တပ်ဖွဲ့ဝင် ရဲဘော်တစ်ဦးက ပြောသည်။
“တိုက်ပွဲအခြေနေထုတ်ပြန်လို့မရသေးပါဘူးခင်ဗျာ”ဟု ၎င်းက ဆိုသည်။
နှစ်ဖက်တိုက်ပွဲများမှာ ယနေ့နေ့လယ် ၁ နာရီအထိ ဆက်လက်ဖြစ်ပွားနေပြီး KLG-PDF(ကျောက်လုံးကြီး)အနေဖြင့် ထိတွေ့တိုက်ပွဲများ ဆက်တိုက်ဖြစ်ပွားနေသောကြောင့် လက်နက်ခဲယမ်းဝမ်းယူရန် အကူအညီများလိုအပ်နေကြောင်း သိရသည်။
